Saturday, December 22, 2012

Posted by Unknown | File under : ,


මීටර් ටැක්සි පාර පුරා වැහි වැහැලා. සාමාන්‍ය ත්‍රී‍ රෝද රථයක ගාස්තුවට වඩා මීටර් ටැක්සි ගාස්තු අඩු යැයි සම්මත නිසා වෙන්න ඇති බොහෝ‍ දෙනෙක් මීටර් ටැක්සිම හොයලා නගිනවා.

මීටර් ටැක්සි වල දැනට කිලෝ මීටර් එකට 35 ඉඳන් 40, 50, 60 වෙනකනුත් අයකරන මීටර් ටැක්සි තියෙනවා. බම්බලපිටිය වැල්ලවත්ත හා කොළඹ තදාසන්න ප්‍රදේශවල බොහෝ ත්‍රීරෝද රථ කිලෝමීටරයට රුපියල් 50ක් 60ක් පමණ වෙනවා. මේක අයිතිකාරයට ඕන ගාණකට වෙනස් කරගන්න පුලුවන්. නමුත් මේක හිතුව සැනින් වෙනස් කරන්නත් බැහැ ඒකට ලියුමක් භාර දෙන්න ඕනෙ මේ ගණනට මට මීටරය වෙනස් කරලා දෙන්න කියලා.

මීටර් ටැක්සි වල සවි කරන මීටර් වල ලංකාවේ නිපදවන එකක් සහ ඉන්දියාවෙන් ගෙන්වන එකක් තියෙනවා. නමුත් බොහෝ දෙනාගේ පිලිගැනීම ලංකාවේ එක ඉතා හොඳ බවයි. නමුත් ‍ඒ ආඩම්බර හිතෙන කතාව පිටිපස්සෙ තවත් කතාවක් තියෙනවා.

ඒ මේ පිටිපස්සෙ සිදුවන සියුම් වංචාවක්.
ඔබ මීටර් ටැක්සියක යනවා නම් ඔබ අවදානයෙන් ඉන්නේ කුමක් ගැනද?

එහි යන දුර ගැනද? අය වන මුදල ගැනද?
ඔබේ උත්තරය නිසැකවම අය වන මුදල ගැනයි.

නමුත් ඔබ දන්නවාද, ලංකාවේ නිපදවන මීටරය සමහරක් රියදුරන්ගේ උවමනාව මත (අල්ලසක් මත) කීලෝමීටරයට පෙර එනම් මීටර් 800දි නැත්තන් 900දි ගාස්තුව ඉහල යන්න සකස් කරනවා. නමුත් මේ බොහොමයක් මීටර් වල මුදල් අයවෙන්නෙ මීටර් 100න් 100ට නිසා ඔබ අවදානයෙන් බලාසිටියොත් මෙය හදුනාගත හැකියි. අවධානයෙන් සිටින්න වංචා වලක්වන්න.

ලංකා‍වේ මෙවන් නිපදවීමක් කිරීම ඉතා සතුටින් අගය කරනවා. නමුත් එහි වටිනාම මෙලෙස වංචා කරමින් පහත හෙලීම තර‍යේ විරෝදය පල කරනවා. මෙයින් අපකීර්තියට පත්වෙන්නෙ ත්‍රීරෝද රථ රියදුරන් නෙමෙයි මුලු රටම.

(ටැක්සි මීටර් වෙනස්/වංචා කිරීම දඬුවම් ලැබිය හැකි වරදකි)


විශේෂ ස්තූතිය  - මේ පිළිබඳ තොරතුරු ලබා දුන් රියදුරු මහතාට


Friday, December 21, 2012

Posted by Unknown | File under : ,

පොහොර මිල අධික ලෙස ඉහල යනකොට, රජය ඊට සහණයක් වශයෙන් ‍පොහොර සහනාධාරයක් දෙනවා වසර කිහිපයක් අඛණ්ඩව එය ලබා දුන්නත් යම් යම් අපහසුතා මත එහි අඩුපාඩුවක් වෙනවා. ඉන් පස්සේ ගොවියන්ගේ ප්‍රතිචාරය කොහොම ද? ඔවුන් වහාම පාරට බහිනවා, බෝඩ් කෑලි කිහිපයක් අතේ අරන් "දියව් දියව් අපිට දියව්, අපේ අයිතිය අපිට දියව්" කියලා කෑ මොර දෙනවා. අන්තිමට රජයට හිතෙනවා ඇති වඳින්න ගිය දේවාලෙ ඉහේ කඩාගෙන වැටුනා කියලා. 

(මම මේ ආණ්ඩුවට කඩේ යන්න හදනවා නම් නෙමෙයි
වෙන මාතෘකාවකට එන්නයි උඩින් කියපු උදාහරණෙ කිවුවෙ)

ඔන්න එක පොහොසත් මහත්තයෙක් එක අසරණ මනුස්සයෙක්ට පුරුද්දක් විදිහට රෑට කන්න රුපියල් සීයක් දෙනවා. ටික දවසකට පසු දින දෙක තුනක් ඔහුට අර මුදල දෙන්න අතපසු වෙනවා. දුප්පත් මනුස්ස‍යා අනිත් මිනිස්සු එක්ක බනිනවා "අපෝ මහ ලෝබයෙක්, ලෝබ හිතෙන්නැති ඕක හැමදාම දෙනකොට, ඕක දුන්නා කියලා ඔය මනුස්සගෙ සාක්කුවට දැනෙන්නෙවත් නැහැ" කිය කිය.
(හැමෝම මෙහෙම නෙමෙයි නමුත් මෙහෙම අයත් ඉන්නවා)

මොකද්ද මේ කැත පුරුද්ද? මිනිස්සු පුරුදු වෙලා ඉන්නවා කිසියම් දෙයක් දීර්ඝකාලීනව තමන්ට ලැබෙනකොට ඒක හැමදාටම ඒ වගේම ලැබෙන්න ඕනෙ කියලා. රජයෙන් මොනාට හරි සහනාධාරයක් දෙනවා නම් බොහෝ මිනිස්සු පුරුද්දක් හදාගන්නවා ඒක නැතුව ජීවත් වෙන්න බැහැ කියලා. කවදාවත් එතනින් ගොඩ එන්න හදන්නෙ නැහැ.

අපේ රටේ මිනිස්සු නොලැබුණු සහනාධාර ගැන කතාකරනවා මිස ඔබ දුටු තැනක් තියෙනවද "අපි මහන්සිවෙලා මේ රටේ නිශ්පාදනය වැඩි කරන්න ඕනෙ, මේ රට ගොඩගන්න අපිත් දායක වෙන්න ඕනෙ හැම මනුස්සයෙක්ම පුංචියෙන් හරි යමක් කලොත් තමයි මේ රට දියුණු වෙන්නෙ" කියලා?

බොහෝ මිනිස්සු කැමතියි අසරණ මිනිස්සුන්ට උදවු කරන්න (රජය ඇතුළුව)
නමුත් ඒ හැමෝම කරන වරදක් තියෙනවා. ඒ මොකද්ද?

කන්න නැති මනුස්සයෙක් ගඟක් අයිනට වෙලා බලාගෙන ඉන්නවා ඔතන හැමදාම මාලුබාන මනුස්සයෙක් තමන්ගෙ රාජකාරි ඉවර වෙලා යනකොට එක මාලුවෙක් ඔහුට දීලා යනවා. ඒ ‍වගේ හැමදාම පුරුද්දක් විදිහට ඒ දේ කරනවා. අවසානයේ බැලුවම ඔහු විශාල මුදල් වටිනාකමක් තියෙන මාලු ප්‍රමාණයක් අර කන්න නැතිව හිටපු මනුස්සයට දීලා.
නමුත් එක් දවසක් ඔහුට අසනීපයක් වෙලා මාලුබාන්න යන්න බැරි වුනොත් අර අනිත් මනුස්සයටත් කන්න නැහැ.
ඉතින් අර දීපු දෙයින් ඵලක් වෙලාද? තාවකාලික සහණයක් විතරයි ලැබිලා තියෙන්නෙ. නමුත් ඔහු අර කන්න නැති මනුස්සයාට පලමු දිනයේ මාලුවෙක් නොදී බිලී පිත්තක් දුන්නා නම් ඔහු එයින් මාලු බාගනීවි. එවිට මුල් අවස්ථාවෙ වගේ ලොකු පිරිවැයකුත් නැහැ ඒ වගේම කන්න නැතිව හිටි මිනිහත් හොඳ ආදායමක් ලබාවි. 

මම ඔය හෙමින් හෙමින් විස්තර කලේ, කිසිවෙක් කිසිවෙකුට තාවකාලිකව ප්‍රයෝජනයක් ඇති දෙයක් දීමෙන් කිසිදු ඵලක් නැහැ. නමුත් ඔබට පුලුවන් ඒ අයට ප්‍රයෝජනවත් විදිහට යමක් දෙන්න.

ජනතාව අතර ජනප්‍රිය රජයක් වෙන්න පුලුවන් ක්‍රමයක් තමයි හැකි තරම් සහනාධාර දෙන එක. නමුත් අනාගත දැක්මක් සහිත රජයක් නම් කළ යුත්තේ සහනාධාර සඳහා මුදල් වෙන් කිරීම නෙමෙයි ඒ වගේ අසරණ පවුල් වල අයට ස්වයං රැකියාවක්, සුළු ව්‍යාපාරයක් කරගන්න උදවු කරන එකයි. ඒකෙන් අසරණ පවුල් වල ජීවන මට්ටම තිරසාරව ඉහල යාවි.

තමන්ට ලැබෙන දේ ලැබෙන පමණින් තෘප්තිමත් විය යුතුයි. අපිට ‍නොලැබුණ දේ අල්ලාගෙන ඒවාට ගහමරාගැනීමෙන් කවදාවත් රටක් දියුණු වෙන්නෙත් නැහැ වෙලත් නැහැ. ඒ වගේම මිනිස්සුන්‍‍ට උදවු කරමු ඒ අයට තාවකාලිකව නොව දීර්ඝකාලීනව ප්‍රයෝජනයක් වෙන විදිහට.

මේ ගැන මෙතනින් එහාට ඔබත් හිතන්න...
ඔ‍බේ අත්දැකීම් වලටත් ආදේශ කරගෙන බලන්න....

Thursday, December 20, 2012

Posted by Unknown | File under :



"බුද්ධිමත් බවේ මිනුම නම්‍යශීලී බවයි" - ඇල්බට් අයින්ස්ටයින්


නම්‍යශීලී යනු නිවට කමක්ද?
නම්‍යශීලී යනු දුර්වල කමක්ද?

ජීවිතයේ ඔබ මුහුණ දෙන ප්‍රශ්ණ ගැටලු හමුවේ ඔබ කොයි තරම් නම්‍යශීලී ද, ඔබට එන බාධක හමුවේ ඔබ කෙතරම් නම්‍යශීලී ද, ඒ තරමින් ඔබේ ජීවිතය බාධක වලින් ජයගන්න පුලුවන්.

සුළඟකින් මුලින්ම බිඳවැටෙන්නේ මහා දැවැන්ත නොසැලෙන ශක්තිමත් ගස්, නමුත් අවසානයේ ඉතුරු වන්නේ ඉතා කුඩා පොඩි සුළඟටත් නැමෙන පුංචි ගස්. ඒකයි ස්වභාවධර්මයේ වරණය. අපි නොදැනුවත්ව උනත් දිනෙන් දින සියලුම ජීවීන් වරණයකට ලක් වෙනවා. මොකද්ද මේ වරණය...?

ලෝකයේ තත්වය ටිකෙන් ටික වෙනස් වෙනවා ඒ වෙනස් කම් වලට සමහරක් ජීවීන් අනුගත වුනත් සමහරක් ජිවීන් නූතනයත් සමඟ වෙනස් නොවී සාම්ප්‍රදායීක ලෙසම සිටිනවා. එසේ අනුගත නොවන ජීවීන් ස්වභාවධර්මයා විසින්ම පරිසර පද්ධතියෙන් ඉවත් කරනවා.

ඉතින් ඔබ ජීවත් වන වටපිටාව තුලත් ප්‍රශ්ණ ගැටලු ඇති වෙන්න පුලුවන්. සමහරවිට නිවසේ ප්‍රශ්ණ සමහරවිට පාසලේ ප්‍රශ්ණ, සමහරවිට ව්‍යාපාරික ස්ථානයේ වැඩ කරන ස්ථානයේ ප්‍රශ්ණ. ඉතින් ‍එය මොන ප්‍රශ්ණයක් උනත් ඒවා එක්ක කෙලින්ම ගැටෙන්න ගිහින් ඒවා තවත් අවුල් කරගත්ත අවස්ථා ඔබට අනන්තවත් ඇති. ඕනෑම ගැටලුවක් විසඳගන්න අවම වශයෙන් ක්‍රම දෙකක් වත් තියෙනවා.

එකක් කෙලින්ම ප්‍රශ්ණයට මුහුණ දීලා ඒක විසඳගන්න එක.
අනිත් එක උපක්‍රමශීලීව හිතලා බලලා බුද්ධිමත්ව ඒකට මූණ දෙන එක.

ඔය දෙකම ප්‍රශ්ණෙකදි අවශ්‍යය වෙනවා. නමුත් බොහෝ විට කෙලින්ම මුහුණ‍‍ නොදී ප්‍රශ්ණය නිරාකරණය කරගන්න පුලුවන් නම් ගොඩක් වාසිදායක වෙයි.

ඒ වගේම කාලීනව සමාජයේ සිදු‍වෙන වෙනස්කම් වලටත් කැමැත්තෙන් හෝ අකමැත්තෙන් අනුගත වෙන්න වෙනවා. මොකද කලින් කිවුවා වගේම ඒක ස්වභාවධර්මයාගේ නීතියක්. එසේ අනුගත නොවුනු සියලු දේ පද්ධතියෙන් ඉවත් උනා විනා කිසිදවසක පද්ධතියේ තිරසාර වෙනසක් කරන්නට සමත් වෙලා නැහැ.මිනිසුන්ගේ අදහස් සිතුම් පැතුම් අවශ්‍යතා කා‍ලීනව අනිවාර්යෙන්ම වෙනස් වෙනවා අලුත් වෙනවා.

ඔබ සිටින්නේ කාලීනව අනුගත වෙන පිරිසේ ද
නැත්නම් එක් මතයකම එල්බගෙන නොවෙනස්ව සිටින පිරිසේද

වඩා සාර්ථක කවුරුන් ද?  සංවාදයට විවෘත්තයි

Wednesday, December 19, 2012

Posted by Unknown | File under : , ,


1) විශ්වාසවන්තයිනි! ඔබ ( ඔබගේ) ගිවිසුම් පූර්ණ වශයෙන් ඉටු කරනු. (තවද) ඔබට (මින් පසු) කියනු ලබන දැය හැර, (වෙනත්) සිවුපා සතුන් ඔබට අනුමැතිය (හලාල්) දෙනු ලැබ ඇත්තේය. 
3) ඉබේ මැරුණු, ලේ , ඌරු මස්, අල්ලා නොවන දැයෙහි නම් පවසන ලද ආදිය, බෙල්ල මිරිකා මැරුණු අයද, පහර වැදී මැරුණු අයද, (ඉහල සිට) වැටී මිය ගිය අයද, අං වලින් අනිනු ලැබ මැරුණු ( සිංහ දත්, වීර නියපොතු වලින් යුත් මස් බුදින සතුන් වන සිංහයින්, කොටියන් දිවියන් වැනි) දඩයම් සතුන් විනිස් සපා (මැරුණු) දැයද, ඔබට තහනම් කරනු ලැබ ඇත්තේය. (එහෙත් මෙම සතුන් දඩයම් කරන ලද) ඒවායෙන් (පණ පිටින් සිටින විටදී) නියම අන්දමින් ( බිස්මිල්ලාහ් කියා) ඔබ බෙල්ල කැපූ (කුර්බාන් කළ) දැය හැර. ( එසේ බෙල්ල කැපූ අය ආහාරයට ගත හැකිය. තවද පූජා කිරීම සඳහා) සිටුවන ලද (කුළුණු, කොඩි, පිළිරූ වැනි) දැය සඳහා කැපූ දැයද, දුන්නෙන් විද (නිමිති බලා) පංගු බෙදා ගැනීමද ( ඔබට තහනම් කරනු ලැබ ඇත්තේය) මේ සියල්ල පාපයන් වන්නේය. 
කුරාණයේ - පරිච්‍ඡේදය 5 : අල්- මයිදා ( ආහාර බන්දේසිය) 

හලාල් යනු මොකද්ද කියලා ඇත්තටම මම කියන්න කලින් ඔන්න ඉස්ලාම් ආගමේ ප්‍රධාන ග්‍රන්තයෙන් උපුටලා දැක්වුවා මොකද්ද මේ ඇත්තටම හලාල් කියන්නෙ කියලා. මොකද මේ ගැන ලොකු කතා කියන බොහෝ දෙනා මේ ගැන හරියට දැනගෙන නෙමෙයි කතා කරන්නෙ.

මුස්ලිම් ජාතිකයන් අදහන ආගමට අනුව ඔවුන් ආහාරයක් ගැනීමට පෙර එය හලාල් ද ( හලාල් කියන්නෙ සහතිකය තියෙනවද කියලා නෙමෙයි)  ඒ කියන්නෙ ඔය ඉහතින් කියපු අනුමත නොකරන ලද මාංශ අඩංගු නොවේද යන්න විමසා බැලිය යුතුයි. ඒ ගැන සොයා බැලීමේදී ප්‍රායෝගිකව ඇතිවෙන ගැටලු නිසා මෑතකදී ලංකාවේත් ඒ ගැන සොයා බලන්න පෞද්ගලික සංවිධානයක් පිහිටවාගන්නවා.  ඒකෙ නම " ඕල් සිලෝන් ජමියියාතුල් උලමා".

සිංහල මිනිස්සු හලාල් ප්‍රතික්ෂේප කිරීම ප්‍රායෝගික ද, සාධාරණද?
එහෙම කරන්න හේතු කිහිපයක්ම තියෙනවා.

1) කැමැත්තක් තුලින් ඉල්ලුමක් හටගන්නෙ නැහැ. ඒකට සැලසුමක් තියෙන්නත් ඕන.
මොකද්ද ඒ කියන්නෙ කියලා බලමු, ඔබ කැමතියි බර්ගර් එකක් ගන්නකොට චීස් දාලා දෙනවා නම් නමුත් ඔබ ඒ සඳහා අමතර ගෙවන්න සූදානම් නැහැ. දුන්නොත් ගන්නවා නැත්තන් චීස් නැතුව කනවා. අපිට හලාල් තිබ්බට කමක් නැහැ. ප්‍රමිතියන් වැඩි වන තරමට අපි කැමතියි නමුත් අපිට අවශය නොවෙන දෙයක් වෙනුවෙන් අපි ගෙවන්න සූදානම් නැහැ.

2) උලමා ආයතනය වාර්ශිකව ලබන කෝටි ගණනක ආදායමට මොකද ඇත්තටම වෙන්නෙ ඒ ගැන විනිවිධ භාවයක් කොහෙත්ම නැහැ. 
අපි හලාල් ගන්නකොට ඒකට අමතර මුදලක් ගෙවනවා, ඒ මුදල් උලමා ආයතනය හරහා කොහෙටද යන්නෙ. ඒවායෙන් මොනවද කරන්නෙ. අවසානයේ සිංහල මිනිස්සුම සිංහල මිනිස්සුන්ගේ වල කපා ගැනීමට වක්‍රාකාරයෙන් දායක වෙලා. මොකද කොච්චර සහජීවනයක් ගැන කතා කලත් ඔය යන කෝටි ගණන් සල්ලි කවදාවත් සිංහල මිනිහෙක් වෙනුවෙන් වියදම් කරන්නෙ නැහැ.

3) මුස්ලිම් ජනගහණය තවමත් 9%යි. හලාල් අවශ්‍යතාව මුලු පාරිබෝගික සංඛ්‍යාවෙන් 9%යි
9%ක අවශ්‍යතාවයක් වෙනුවෙන් ලබාගන්නා හලාල් සහතිකයේ පිරිවැය මුලු පාරි‍භෝගිකයන් මත ම පැටවීම සාධාරණීකරණය කරන්නේ කොහොමද.

4) හලාල් යනු අල්ලා වෙනුවෙන් කැප දැයයි
එසේ නම් අප බුද්ධ පූජාවකට , දානයට බුදුන්ට භික්ෂූන්ට කැප කරන්නේ කලින් 'බිස්මිල්ලාහ්' කියලා අල්ලා වෙනුවෙන් කැප කරපු දෙයක් නේද එය සාධාරණද

5) SLS, ISO තත්ව සහතික වලින් ඉහත දෑ ආවරණය නොවේද
ඌරු මස් අඩංගු නොවීම හැර ඉහත සඳහන් දැයින් බොහෝමයක් එස් එල් එස් හා අයි එස් ඕ වැනි පිලිගත් තත්ව සහතික මඟින් ආවරණය වෙනවා. මොකද කර්මාන්ත ලෙස ආහාර වර්ග පිලියෙල කරද්දී කිසි විටෙකත් ඔය ඉහලින් කියනවා වගේ දුනු වලින් විදලා, බෙල්ල මිරිකලා, උඩ ඉඳන් බිමට දාලා මරන්නෙ නැහැ. ඒවා නියමිත විදිහට ප්‍රමිතියෙන් සිද්ධ වෙනවා.

එහෙනම් ඉහත කරුණු මත පැහැදිලි වෙනවා සිංහල ජනතාව හලාල් ප්‍රතික්ෂේප කිරීම ඉතාමත් සාධාරණ බව. එතකොට ‍හලාල් ගැන තවත් කරුණු කිහිපයක් තියෙනවා. ඒ ගැනත් අපි බලමු.

* දෙවියන් විසින් ආහාර වර්ග නියම කර ඇත්නම් ඊට හේතු මොනවාද? (මතයක්) 
ඉස්ලාම් ආගමේ මුල් සමයේ හිටපු මිනිස්සු මළකුණු ආහාරයට ගැනීම නිසා නබි වරයාගේ අනුගාමිකයන් නිතර රෝගී වන්නට උනු නිසා එය වලක්වාගැනීමට ඉහත ආහාර තහනම් කර ඇත.

* හලාල් අද වානිජකරණයට ලක්වෙලා
හලාල් යන්න අද උලමා ආයතනය අලෙවි භාණ්ඩයක් බවට පත් කරගෙන අධික ලෙස මධ්‍ය හා මහා පරිමාණ ව්‍යාපාරිකයන් ඉලක්ක කරගනිමින් ඔවුන්ගෙන් අධික ලෙස උපයන්නට පටන් අරන් තියෙනවා.

* හලාල් මුට්ටිය දැමීමක් වෙලා
ඔබ පිලිගත්තත් නැතත් මුස්ලිම් ජාතිකයන් ලොව පුරා පැතිරී ගියේ සංක්‍රමණ ස්වභාවයේ ආක්‍රමණ වලින්. ඒ ගමනෙදි රටක මුලින්ම තමන්ගෙ අනන්‍යතාව තහවුරු කරගන්න මුට්ටිය දැමීමක් විදිහට හලාල් සහතිකය ලබා දෙන ලෙස ඉල්ලනවා. ඒ හරහා මුස්ලිම් ජාතිකයන් ව්‍යාපාර වලට ඇතුල් කරමින් ඒ හරහා උපයන මුදලින් තමන්ගේ ඉලක්කයට මඟ පාදාගන්නවා.

* ඒ වගේම රජය ද මේ අයද දැවැන්ත තර්කයක් ගොඩනගන්න හදනවා හලාල් ඉවත් කලොත් මැදපෙරදිග රටවලට සිදුකරන අපනයන හා ඒවායෙන් පැමිනෙන සංචාරකයන්ගේ අඩුවීමක් සිදුවේවිලු.
ඔබ දන්නවා, මේ රටේ දේශීය විදේශිය වෙලඳපොළවල් දෙකම ඉලක්ක කරගෙන තේ නිශ්පාදනය කරනවා. නමුත් කිසිදවසක Export Quality Tea ඔබ සාමාන්‍ය වෙලඳ සැලක දැක තියෙනවාද? අපනයනය කරන භාණ්ඩ ඒ අයට අවශ්‍යය විදිහට ඒ අය ඉල්ලන ප්‍රමිතියට සකස් කරන්න ඒකෙන් අපිට ගැටලුවක් නැහැ. නමුත් අපනයන භාණ්ඩ සහ මෙරටට නිපදවන භාණ්ඩ වෙන් වෙන්ව තත්ව සහතික කරන්න බැහැ කියන එක නම් පුහු තර්කයක්.

කොහොමටත් සිංහල මිනිස්සු කියන්නෙ නැහැ මෙහෙ හලාල් සහතික කරපු භාණ්ඩ හදන්නම එපා කියලා. ඒවා හදන්න නමුත් 9%ට හා අපනයනට ගැලපෙන පමණට. හලාල් ඉවත් කරන්න කියලා අති බහුතර සිංහල ජනතාවගෙන් රජයට පීඩනයක් එනකොට අපනයන හා සංචාරකයන් පලිහක් කරගැනීම උත්සහ කිරීම ලැජ්ජා සහගතයි.

ඉතින් අවසාන වශයෙන් ඔබෙන් අහන්න තියෙන්නෙ
ඔබට අනවශ්‍ය ප්‍රමිතියක් වෙනුවෙන් ඔබ මහන්සි වී උපයන ධනයෙන් කොටසක් වෙන් කරනවාද, ඔබ වෙහෙස වී උපයන ධනයෙන් කොටසක් වංචාකාර සමාගමක් පොහොසත් කිරීමට යොදවනවාද?

තීරණය ඔබ අතේ...

Tuesday, December 18, 2012



සම්පත් අත්තටගේ,
බොහෝ දෙනා දන්නා පරිදි එතරම් දක්ෂ ගුරුවරයෙක් නොවෙයි.
නමුත් මෙවර සාමාන්‍යපෙළ විභහගයේ බහුවරණ 18ක් එලෙසම අනුමාන කරනවා. 
පුදුමයි. ඒත් ඇත්තයි. පැහැදිලිවම විය නොහැක්කක්. නිවැරදි පිළිතුරු හා ප්‍රශ්ණ අනුමාන කරන්න පුලුවන්, නමුත් වැරදි වරණයන් අනුමාන කරන්නෙ කොහොම ද? වරදක් වෙලා තියෙනවා. නමුත් දැන් ඇත්තටම අපි කල යුත්තේ කුමක් ද? මේ වරද පස්සෙ අල්ලන් ගිහින් මේ ගුරුවරයාට දඬුවම් කරනවා ද, එහෙමත් නැත්නම් මීට මුල් වූ හේතු සාධකය සොයා ඉවත් කරනවාද?

සාමාන්‍ය පෙළ, උසස් පෙළ විභාග ප්‍රශ්ණ සමහරක් සෑම වසරකම කලින් පිට වෙනවා.
ඒක දන්න අයගෙ හදවත් හොඳින් දන්නවා. ඒවා ලබාගන්නෙත් දිවයිනේ ඉහලම නම් දරණ ටියුෂන් ගුරුවරු. අමුතුවෙන් ඒ ගැන කියන්න දෙයක් නැහැ. නමුත් ඔවුන් මේක සෑම වසරකම කලත් ඒක මේ වගේ  අදූරදර්ශී විදිහට ඔක්කොම එක පේපර් එකට දාලා හිනා මූණු දාලා පීචං කරගත්තෙ නැහැ. ඔවුන්ට ප්‍රශ්ණ ලැබුණා නම් ඒවා වෙන වෙනම ප්‍රශ්ණපත්‍රවල ක්‍රමාණුකූලව තමන්ගෙ ‍දරුවන්ට ලබා දෙනවා. හැමෝම දන්නවනෙ ඉතින් බත් මුල් අරන් හුලු අතු පත්තු කරන් කුකුල්ලු අතේ අරන් ගිහින් අත පය හොල්ලන්න බැරුව හරි ඒ පංති වල ගිහින් ඉන්නෙ අවසාන‍යේ එන ප්‍රතිඵලය නිසා බව. 

(දැන් ඉතින් මාව සුදු වෑන් එකකින් උස්සන් යයිද දන්නෑ)

මෙතන දැන් ගැටලුව වෙලා තියෙන්නෙ හැමදාම උන දේ මෙවර ප්‍රශ්ණ පත්‍රය මැට්ටෙකුගේ අතට පත්වීම නිසා සියලු ගුරුවරු අවදානමකට ලක් වීමයි. ඒ වගේම මේ පංතියට ගිය දක්ෂ දරුවන්ගේ පවා හැකියාව මේ නිසා හෑල්ලුවට ලක් වෙනවා ප්‍රසිද්ධියේ. ඒක ගියපු දරුවන්ට තේරෙයි ළඟදිම. ඒ අයට ඒ සාමාර්ථයක් තිබුණත් "ආහ් එයාලට නම් ඉතින් කලින් පේපර් එක ලැබුණනෙ" කියලා හෑල්ලුවට ලක්වෙන්නම වෙනවා. ඒ වගේම මේ ගුරුවරයාගේ පංති නොයන දරුවන්ගේ මානසිකත්වය මොනවගේ වේවිද? විභාගය අවලංගුවීමක් සිදුවිය හැකිද? මේ වගේ ප්‍රශ්ණ ගොඩක්, ජීවිතයේ කඩඉම් කාලයක් පහු කරන මෙවර සාමාන්‍ය පෙළ ලියන සිසුන්ගේ හිතට එනවා. කවුද ඒවට වගකියන්නෙ?

එතකොට ගෞරවාන්විතව වුවත් ප්‍රශ්ණ පිටකිරීම සුදුසු ද?

නැහැ කොහෙත්ම නැහැ. නමුත් වසර ගණනාවක ඉඳලා මේක උනත් ඒ තරම් ලොකු බලපෑමක් වෙලා නැහැ මෙතුවක් කාලයට. ඉතින් ඒක ලොකු ගැටලුවක් වෙන්නෙ නැහැ. නමුත් මේක ප්‍රසිද්ධ වීමත් සමඟ ජනතාව තුල විභාග පිළිබඳ ඇති විශ්වාසය බිඳ වැටීම නම් සෝචනීයයි. නමුත් දෙමවුපියන් මීට කිසිදු ලෙසකින් ඇඟිලි ගැසිය යුතු නැහැ. මොකද ඒ අය මේ ක්ෂේත්‍රයේ ස්වභාවය දන්නෙ නැහැ.  මේක වලක්වන්නත් බැහැ. කළ යුත්තේ පාලනය කිරීමයි. මොකද මේ තිබෙන ආර්ථික රටාවත් එක්ක සල්ලි ඉදිරියේ ස්වාධීන වෙන්න පුලුවන් පිරිස ඉතාම සුලුතරයයි මේ රටේ ඉන්නෙ. ඒවා 100%ක් හදනවා නම් ඒවත් හදන්න වේවි. 
Posted by Unknown | File under :


2012/12/21. ලෝකයේ මිනිස්සු බොහොමයක් ඒ දිනය ගැන විමසිල්ලෙන්, ඔබද ඒ අතර වන බව සහතිකයි. නමුත් ඔබ දන්නවා ද ඔබට මෙය හොඳ අවස්ථාවක්. ලෝකය විනාශ උනොත් කොහොමත් සියලු දේ විනාශ වී යනු ඇත. නමුත් එසේ ‍නොවුනොත්? ඔබ ඒ ගැන සිතුවාද?

ඔබ මෙතෙක් කිසිම දිනක ඔබේ ජීවිතය දෙස ආපසු හැරී බැලුවා ද?
එයට හොඳම දින කිහිපය මෙයයි. හදවතින් අහන්න,

1) ඔබේ ජීවිතයේ ඔබ ලද ජයග්‍රහණ මොනවා ද
2) ඒ සඳහා උදවු කළ අය කවුද
3) ඒ අයට ඔබ ප්‍රතිඋපකාර කර ඇත්ද
4) ඔබේ ජීවිතයේ ලද පරාජයන් මොනවා ද
5) ඊට ඔබට හේතු වූ කාරණා මොනවා ද

එමෙන්ම,
1) ඔබ කිසිවෙකුගේ ජයග්‍රහණයක ට උදවු කර ඇත්ද
2) ඔබ කිසිවෙකු ට වංචාවක් කර තිබේ ද

විශේෂයෙන් ම,
(*) ඔබ ජීවිත කාලයෙන් කොතරම් කල් සිතේ සතුටින් සිටියාද?

ආපසු ඔබ දෙස හැරී බලන්න.
මේ ගැන ඔබ සිතද්දී ඔබට මෙතෙක් කල් නොපෙනුනු නොදැනුනු බොහෝ දේවල් දැනෙනු ඇත. ඔබට කළ යුතු වැඩ බොහෝමයක් ඇති බවද, එය සිදු කරන ආකාරයද ඔබට පෙ‍නේවි. අවධානයෙන් බලන්න. ඔබ තුළ සිටින ජයග්‍රාහකයා එවිට අවදි වනු නිසැකයි.

Monday, December 17, 2012

Posted by Unknown |



ඔබ උපන්නේ මාසයේ පළමුවන දා නම්,
ඔබ නායකත්වයට හා පාලනයට ඉතා දක්ෂ අයකු ලෙස සැලකේ.ඔබට ඉතා විශාල ආත්ම ශක්තියක් හිමිය. ඔබ තෝරාගන්නා මාර්ග හා ක්‍රියා පිළිවෙත් බොහෝ විට නිවැරදි වේ. සංවේදී අයකු වූවත් බාහිර පරිසරයට හා අවස්ථාවන්ට ගැළපෙන පරිදි හැගීම් යටපත් කර තබා ගැනීමට ඔබට හැකියාව ඇත.


2දා උපන් ඔබට,
හැගීම්බර, සංවේදී, ඉක්මනින් උණුවන හිතක් හිමිය. ඔබේ ආදරවන්තයා හෝ ආදරවන්තිය ඔබගේ හැගීම් තේරුම් ගත හැකි අයකු වනවා දැකීමට ඔබ නිරන්තරයෙන් බලාපොරොත්තු වේ. සමාජශීලී ඔබට ඉතා ඉක්මනින් හා පහසුවෙන් මිතුරන් ඇතිකර ගැනීමට හැකියාවක් පවතී. නමුත් සමහර අවස්ථාවලදී ඉතා ඉක්මන් කේන්තිකාරයකු විය හැකිය. එවැනි අවස්ථාවලදී ඔබේ ධෛර්ය්‍ය අඩු විය හැකිය. ඔබ ඉතා හැගීම්බර අයකු බැවින් සුළු දේවලින් පවා කළබලවී මානසික අසහනයට හා හිතේ සාංකාවට පත් වීමේ නැඹුරුවක් පවතී.


මාසයේ 3 වන දින උපන් ඔබ,
පහසුවෙන් ශාරීරික හා මානසික බිද වැටීම් වලට ලක්වන අයෙකි. එමෙන්ම අවිවේකීය. පහසුවෙන් රැවටිය හැකි අයකුද ලෙසද සැලකේ. යහපත් සංකල්පනා වලින් යුක්ත ඔබ ලිවීම, කියවීම, ගායනය වැනි අංශ වලට දක්ෂතා දක්වයි. සමාජශිලී අයෙකි. ඉතා තියුණු පරිකල්පන ශක්තියක් ඔබ සතු වේ. ඔබ ආදරණීය අයෙකි. නමුත් ඉතා සංවේදීය. ජීවිතය පුරා කිහිප විටක් බිදවැටීම් සිදු විය හැකිය.


4 වන දා උපන් ඔබ,
හොද කලමනාකරන හැකියාවක් ඇති එමෙන්ම හොද සංවිධායකයෙකි. තම හැගීම් පාලනය කරගැනීමට ඔබ සමත්ය. ඍජු, අවංක අයෙකි. සන්සුන්ව අසීරු වැඩ කටයුතු පවා තනිව කිරීමට ඔබ සමත්ය. හැගීම් පාලනය කරගැනීමට ඔබ සමත්ය. නමුත් ආදරය සම්බන්ධයෙන් වේගවත් තීරණ ගැනීමට පෙළඹේ. ඔබ දැඩි, මුරණ්ඩු අයකු ලෙස සැලකිය හැකිය.


ඔබගේ උපන් දිනය යෙදී ඇත්තේ 5 වන දා නම්,
පිරිසක් සමග එකතුවී සහයෝගයෙන් වැඩ කර ඔවුන් සතුටු කිරීමට ඔබ සමත් වේ. ඔබ බොහෝ දේවල් කිරීමේ දක්ෂකමක් ඔබ සතුය. අළුත් අළුත් අදහස් ඉදිරිපත් කරයි. ඒකාකාරීව ජීවත් වීමට ඔබ අකමැතිය. වෙනස්වීමට හා සංචාරය කිරීමට ඔබ වැඩි නැඹුරුවක් දක්වයි. ක්‍රම ක්‍රමයෙන් දියුණුවන, ඕනෑම දෙයකට පහසුවෙන් හැඩගැසෙන ඔබ ඉක්මන් තීරණ ගැනීමට පෙළඹෙයි. ඔබ අවංක අයෙක් වන අතර විශ්ලේෂනය කිරීමට විශේෂ හැකියාවක් ඇත. අවිවේකී පරිසරයක ජීවත් වන ඔබ ටිකක් කළබල අයෙකි. තම වගකීම් හරි හැටි ඉටුකිරීමට ඔබට අපහසුය.


මාසයේ 6 වන දින උපන් ඔබ,
වගකීම් සහගතව කටයුතු කරන, ස්වභාවික අදහස් උදහස් වටහාගන්නා යහපත් අර්ථචරියාවෙන් යුක්ත ය. හැමදෙනාටම අවංක වීම ඔබ සතු ගුණාංගයකි. තම පවුල පිළිබදව මෙන්ම මිතුරන් පිළිබදවද විශේෂ සැලකිල්ලක් දක්වයි. වගකීම් සහගතව හා අරපරෙස්සමින් යුතුව කටයුතු කිරීම ඔබ තුල දැකිය හැකි විශේෂ ලක්ෂණ වේ.


ඔබේ උපන් දිනය යෙදී ඇත්තේ 7 වන දා ද?
ඔබ සර්වශුභවාදී පුද්ගලයකු ලෙස හැදින්විය හැකිය. විවිධ හේතූන් නිසා ඔබ තනිපුද්ගලවාදියකු ලෙසද කටයුතු කරයි. තියුණු විශ්ලේෂණ හැකියාවක් ඔබ සතුය. ඒ මගින් තර්කානුකූලව සිතීමට ඔබ පෙළඹේ. ඔබ ආධ්‍යාත්මිකව බොහෝ ශක්තිමත් අයෙකි. බොහෝ සංවේදීය. ඔබ බොහෝ විට කල් ගෙවන්නේ නම් දෙයක් පිළිබද කලකිරීමෙනි. නිසි පිළිවෙලකට වැඩ කිරීමට ඔබ තැත් නොකරයි. තනිවී වැඩ කිරීමට ඔබ කැමතිය. නැතිනම් සියල්ලම තමා යටතේ පාලනය කිරීමට කැමතිය. මධ්‍යස්ථව සිතයි. ටිකක් මුරණ්ඩු වේ.


ඔබ උපන්නේ මාසයේ 8වන දින නම්,
ඔබ ව්‍යාපාරවලට ඉතාමත්ම දක්ෂ අයෙකි. පාලනයට විශේෂ දක්ෂතාවක් දක්වයි. ඔබ ඕනෑම දෙයක අගය තක්සේරු කිරීමට පෙළඹෙන ස්වභාවයක් ඇත. තමන්ගේම ව්‍යාපාරයක් ආරම්භ කරන්නේ නම් සාර්ථකත්වයට පත්විය හැකිය. කුඩා කල සිටම ඔබ තුල පාලනය කෙරෙහි විශේෂ කැමැත්තක් පවතී. මුදල් පරිහරනයේදී ඔබ ඉතා සකසුරුවම් අයෙකි. සාමාන්‍යයෙන් ඔබ කාර්යබහුල අයකු නොවේ. නිකරුනේ ගත කරන කාලය ප්‍රයෝජනවත් දෙයක් සදහා වැය කිරීමට ඔබ පෙළඹේ. ද්‍රව්‍යමය අතින් ඉතා ඉහල දියුණු තත්වයකට පත්වීමට ඔබට හැකිය.


මාසයේ 9 වන දින උපත ලැබූ ඔබ,
පරමදර්ශනවාදියෙකි. එමෙන්ම මානව හිතවාදියෙකි. ඔබ පුළුල් හදවතක් ඇති, සාධාරණ, නිර්ලෝභී අයෙකු නිසා පහසුවෙන් අනෙකුන් හා කටයුතු කල හැකිය. අන්‍යයන්ගේ අවශ්‍යතා හා අදහස් වලට සංවේදී අයකු වන ඔබ ඉතා කරුණාවන්තය.


ඕනෑම මාසයක 10 වන දින උපන් ඔබ,
ස්වාධීනව හිතන අයෙකි. ඔබ නායකත්ව ගති ලක්ෂණ පෙන්නුම් කරයි. ඔබේ සැලසුම් සාර්ථක කර ගත හැකිය. ඔබ සංවේදී අයෙකි. නමුත් ඔබ ඔබගේ හැගීම් යටපත් කරගනී. කිහිප අවස්ථාවකදීම ඔබට නායකත්වයට පත්වීමේ අවස්ථාව ඇත.


11 වන දින උපන් ඔබ,
පරමදර්ශනවාදියෙකි. බල කිරීමට වඩා ඒත්තු ගැන්වීම මගින් යමක් කල හැකි යයි ඔබ සිතන නිසා ඔබ අන්‍යයන් සමග ඉතා හොදින් වැඩ කටයුතු කිරීමට සමත් වේ. ඔබටම ආවේණික වූ ආධ්‍යාත්මික සිතුවිලි ඔබ සතුය. ඔබ පරීක්ෂාකාරී, සංවේදී, මනෝධීන අයකු ලෙසද හැදින්විය හැක. හොද මතකයක් ඔබ ඔබ සතු වන අතර ව්‍යාපාර වැඩකටයුතු සිදුකිරීමේදී විවිධ ගැටළු වලට මැදි විය හැක. ඔබ අනිවාර්යයෙන්ම නිර්මාණශීලී අයෙක් වන අතර මේ ආභාෂය ඔබේ දියුණුව සදහා යොදා ගත හැකිය.


මාසයේ 12 වන දින ඉපදුනු ඔබට,
මානසිකව හා භෞතිකව විටින් විට බිදවැටීම් වලට ලක්වීමට සිදුවේ. ඔබ අවිවේකී, පහසුවෙන් මුලාවීමේ ප්‍රවනතාවක් ඇති අයකු ලෙසද පැවසිය හැකිය.ඔබ ඉතාමක් හොද සිතුවිලි වලින් යුක්තය. ලිවීම, කියවීම, හා ගායනය ආදී ක්ෂේත්‍රවලට විශිෂ්ඨත්වයක් දක්වන ඔබ හැමවිටම අන්‍යයන් සමග ඇසුරු කිරීමට දක්ෂ, කාර්යක්ෂම අයකු වේ. ඉතා තියුණු පරිකල්පන ශක්තියක් ඔබ සතුය. නමුත් ඔබ ඔබේ උනන්දුව අඩුකරගෙන විවිධ බාහිර ප්‍රශ්න පිළිබදව ආකූලතා ඇති කර ගැනීමට පෙළඹේ. ප්‍රායෝගික, තර්කාන්විත සිතුවිලි වලින් යුක්ත ඔබ ප්‍රේමණීය, හිතෛෂි අයෙකි. නමුත් ඉතා සංවේදීය. ජීවිතය පුරාවට විටින් විට බිද වැටීම්වලට මුහුණදීමට ඔබට සිදු වේ.


13 වන දින උපන් ඔබ,
විශිෂ්ඨ කලමණාකරුවෙක් හෝ සංවිධායකයෙකි. එම නිසා ඔබ අනෙක් අය අතර කැපී පෙනීමට ලක්වේ. වගකීම් සහගතව කටයුතු කරන ඔබ විනීත අයෙකි. අවංකය. බොහෝ විට සන්සුන්ව තනිවී වැඩ කිරීමට යොමුවේ. ඔබ නිවැරදි යයි සිතා සිදු කරන සමහර දේ නිසා සමහරුන් පීඩාවට පත්විය හැකිය. එය ඔබගේ දුර්වලතාවයකි.


ඔබගේ උපන් දිනය යෙදී ඇත්තේ 14 වන දින නම්,
පිරිසක් සමග එකතුවී සහයෝගයෙන් වැඩ කර ඔවුන් සතුටු කිරීමට ඔබ සමත් වේ. ඔබ බොහෝ දේවල් කිරීමේ දක්ෂකමක් ඔබ සතුය. අදහස් ඉදිරිපත් කිරීමේදී ඔබ ඉතා දක්ෂය. එමෙන්ම ක්‍රමානුකූල හොද සංවිධායකයෙකි. ඒකාකාරීව ජීවත් වීමට ඔබ අකමැතිය. වෙනස්වීමට හා සංචාරය කිරීමට ඔබ වැඩි නැඹුරුවක් දක්වයි. ක්‍රම ක්‍රමයෙන් දියුණුවන, ඕනෑම දෙයකට පහසුවෙන් හැඩගැසෙන ඔබ ඉක්මන් තීරණ ගැනීමට පෙළඹෙයි. ඔබ අවංක අයෙක් වන අතර විශ්ලේෂනය කිරීමට විශේෂ හැකියාවක් ඇත. අවිවේකී පරිසරයක ජීවත් වන ඔබ ටිකක් කළබල අයෙකි. නැවන නැවතත් එකම දෙයකට කලබල වන අයෙකි. තම වගකීම් හරි හැටි ඉටුකිරීමට ඔබට අපහසු වේ.


ඔබ උපන්නේ 15 වන දින නම්,
නිරන්තරයෙන්ම තම පවුලේ සාමාජිකයන් සමග ඉතා ශක්තිමක් බැදීමක් පවතී. ඉතා යහපත් දෙමව්පියෙක් හෝ ගුරුවරයෙක් වීමට ඔබට හැකියාව ඇත. ඔබ බොහෝ වගකීම් දැරිය හැකි දක්ෂ අයෙකි. අන්‍යයන් අතර එකමුතුකම පවත්වාගැනීමට ඔබ නිරන්තරයෙන් උත්සාහ ගනී. නිරීක්ෂනය, අධ්‍යයනය හා ගවේශනය කිරීම තුලින් යමක් ඉගෙන ගැනීමට ඔබ යොමු වේ. කලා අංශයේ ඔබට බොහෝ දුර ගමන් කල හැකිය. ඔබ නිර්ලෝභී අයකු ලෙස සැලකේ. නමුත් සමහර අවස්ථා වලදී ටිකක් මුරණ්ඩු චරිතයකි.


16 වන දින උපත ලැබූ ඔබ,
හුදකලාවට කැමති පුද්ගලයෙකි. සාමාන්‍යයෙන් තනිවී වැඩකටයුතු කිරීමට කැමති ඔබ සතුව දැඩි, ස්ථීර, පහසුවෙන් නො‍නැමෙන ආකාරයේ හිතක් ඇත. ඔබ ස්වාධීනව කටයුතු කිරීමට උත්සාහ කරයි. ඔබේ විවේකයෙන් බොහෝ කාලයක් ඔබ වෙන්කරන්නේ කල්පනා කිරීම සදහාය. සමහර අවස්ථාවල තරමක් මුරණ්ඩු ගති ලක්ෂණ පෙන්වන ඔබ දැඩි මතධාරියකු ලෙස සැලකිය හැකිය. මේ හේතුවෙන් ස්ථාවර සම්බන්ධතා පවත්වාගෙන යාම ඔබට අපහසුය. නමුත් බාහිර පුද්ගලයන් හට පෙනෙන්නේ ඔබ නිවසේදී හා සමාජයේ හොද සම්බන්ධතාවක් පවත්වාගෙන යන්නෙකු ලෙසය. තාක්ෂණික අංශය, විද්‍යාත්මක විෂයයන්, ආගමික ගවේෂනය ආදිය ඔබ වඩාත් ප්‍රියකරන අංශයන් වේ. ඔබ ඉතා හැගීම්බර අයෙකි. නමුත් ඒ බව බාහිර පරිසරයට පෙන්වීමට ඔබ කටයුතු කරන්නේ නැත. මේ නිසා ආදරය ප්‍රකාශ කිරීමේදී හෝ ආදරය ලැබීමේදී යම් යම් දුෂ්කරතාවලට පත්වීමට ඔබට සිදුවේ.


ඕනෑම මාසයක 17 වන දිනයේ උපන් ඔබ,
මූල්‍යමය අතින් උපතින්ම වාසනාවන්ත අයෙකි. 17 යනු ව්‍යාපාරවලට ලැදි අයට ඉතාමත් සුභ දිනයකි. ඔබ සාමාන්‍යයෙන් අවංක, ගුණගරුක අයෙකි. වාණිජමය ව්‍යාපාරවලදී සාර්ථකව වාසි ලැබීමට ‍මෙම දිනයේ උපන් අයට හැකියාව ඇත. අතිදක්ෂ සංවිධායකයෙක් මෙන්ම කලමනාකරුවෙකි. විශාල ව්‍යාපෘති පවා පාලනය කල හැකිය. බලාපොරොත්තු සාර්ථක වේ. ආරම්භ කල සියළුම වැඩ අවසාන කරයි. සංවේදීය. නමුත් අපරික්ෂාකාරී වීම නිසා ආදර කටයුතු සම්බන්ධයෙන්දුෂ්කරතා ඇති විය හැකිය.


මාසයේ 18 වන දින උපත ලැබූ ඔබ,
කණ්ඩායමක් ලෙස වැඩ කිරීමට කැමතිය. නමුත් සමහරුන්ගේ අවශ්‍යතාවයන් මත තනිව වැඩ කිරීමට පවා ඉදිරිපත් වේ. මානවවාදී, පරාර්ථකාමී අයෙකි. පාලනය හා සංවිධානය සම්බන්ධයෙන් දක්ෂතාවක් ඇත. පුළුල් දැක්මක් ඇති ඔබ සාධාරණ, ත්‍යාගශීලී, කාරුණික සිතුවිලි වලින් යුක්තය. ඔබ ඔබගේ හැගීම් ප්‍රදර්ශනය කරන අයකු වූවත් සමහර විට ඒවා සගවා තබා ගැනීමට පෙළඹේ.


ඔබ ඉපදුනේ මාසයේ 19 වන දින නම්,
ඔබ මධ්‍යස්ථව සිතන අයෙකි. නමුත් ඔබේ සැලසුම් ඔබට රිසි ආකාරයට සිදු කිරීමට බාධා ඇතිවේ. පුළුල් දැක්මක් ඇත. සංවේදීය. නමුත් හැගීම් සගවා තබාගැනීමට ඔබ පෙළඹේ. ඔබ ඔබේ සමහර ගති ගුණ නිසා සමාජයේ කැපී පෙනෙන අයෙකි. අවවාද පිළිගැනීමට තරමක මැලිකමක් දක්වයි. අත්දැකීම් තුලින් ඉගෙනගැනීමට ඔබ ප්‍රිය කරයි. අසීරු අවස්ථා වලටද මුහුණදීමට සිදුවිය හැකිය. විවාහයෙන් පසුවද ඔබ ඔබේ හැගීම් වෙනස් කර නොගනී. ඉක්මනින් කලබලයට පත්වන ඔබ ලේසියෙන් කෝපයට පත්වේ.


20 වන දිනයේ උපන් ඔබ,
හැගීම්බර, සංවේදී අයෙකි. සමාජශීලී බවින් පොහොසත් ඔබ ඉක්මනින් මිතුරන් ඇති කර ගැනීමට සමත්වේ. පහසුවෙන් උණුවන හිතක් සහිත ඔබ වහා කලබල වන ස්වරූපයක් පෙන්වයි. ආදරය කිරීම සදහා බලාපොරොත්තු වන්නේ තමන්ගේ හැගීම් අවබෝධ කරගැනීමට හැකි පෙම්වතෙක් හෝ පෙම්වතියකි. සමහර විටෙක අධෛර්ය්‍යට පත් වීම හා නොසන්සුන් වීම ඔබගේ දුර්වලතාවයකි. එවැනි අවස්ථාවල මානසිකව බිදවැටීම් වලට ලක් විය හැක. ජීවිතයේ කිහිප විටකම මෙවැනි බිදවැටීම් දක්නට ලැබේ.


ඔබ 21 වන දින උපන්නේ නම්,
ඔබ පහසුවෙන් ශාරීරික හා මානසික බිද වැටීම් වලට ලක්වන අයෙකි. එමෙන්ම අවිවේකීය. පහසුවෙන් රැවටිය හැකි අයකුද වේ. යහපත් සංකල්පනා වලින් යුක්ත ඔබ ලිවීම, කියවීම, ගායනය වැනි අංශ වලට දක්ෂය. සමාජශිලී අයෙකි. ඉතා තියුණු පරිකල්පන ශක්තියක් ඔබ සතු වේ. ඔබගේ සිතුවිලි තර්කාන්විතය. එමෙන්ම ප්‍රායෝගිකය. නමුත් බාහිර ප්‍රශ්න නිසා ඔබේ උනන්දුව අඩු විය හැකිය. ඔබ ඔබේ පවුල හා හිතමිතුරන් අතර ආදරණීය අයෙකි. නමුත් ඉතා සංවේදීය. ජීවිතය පුරා කිහිප විටක් සිදුවන බිදවැටීම් වලින් ජයගැනීමට ඔබ උත්සාහ කල යුතුය.


22 වන දින උපන් ඔබ,
ඔබ සතු වගකීම් ඒ ආකාරයෙන්ම ඉටුකරයි. භාරගත් විශාල වැඩකටයුතු පවා ඒ ආකාරයෙන්ම ඉටු කිරීමට ඔබ සමත්ය. කිරීමට අපහසු දීර්ඝකාලීන වැඩ පවා නිමකරයි. කුඩා කාලයේදී ඔබ මුරණ්ඩු අයෙකු ලෙස සැලකේ. ඔබ ඉතා හොද සංවිධායකයෙකි. චිත ඇදීම සදහාද රුචිකත්වයක් දක්වයි. ආරක්ෂාකාරී, බුද්ධිමත් අයකු වූවත් ඔබ ඉක්මනින් කලබලයට පත් වීමට ඉඩ ඇත.


ඔබගේ උපන් දිනය යෙදී ඇත්තේ 23 වන දින නම්,
පිරිසක් සමග එකතුවී සහයෝගයෙන් වැඩ කර ඔවුන් සතුටු කිරීමට ඔබ සමත් වේ. ඔබ බොහෝ දේවල් කිරීමේ දක්ෂකමක් ඔබ සතුය. අදහස් ඉදිරිපත් කිරීමේදී ඔබ ඉතා දක්ෂය. එමෙන්ම ක්‍රමානුකූල හොද සංවිධායකයෙකි. ඒකාකාරීව ජීවත් වීමට ඔබ අකමැතිය. වෙනස්වීමට හා සංචාරය කිරීමට ඔබ වැඩි නැඹුරුවක් දක්වයි. ක්‍රම ක්‍රමයෙන් දියුණුවන, ඕනෑම දෙයකට පහසුවෙන් හැඩගැසෙන ඔබ ඉක්මන් තීරණ ගැනීමට පෙළඹෙයි. ඔබ අවංක අයෙක් වන අතර විශ්ලේෂනය කිරීමට විශේෂ හැකියාවක් ඇත. අවිවේකී පරිසරයක ජීවත් වන ඔබ ටිකක් කළබල අයෙකි. නැවන නැවතත් එකම දෙයකට කලබල වන අයෙකි. තම වගකීම් හරි හැටි ඉටුකිරීමේදීනම් ඔබට අපහසුතා ඇති වේවි. ඔබ බොහෝ සමාජශීලීය. ඉක්මනින් මිතුරන් ඇති කර ගැනීමට හැකිය. එමෙන්ම ඔබ හොද ගමන් සගයෙකි.


24 වන දා උපන් ඔබ,
වගකීම් දැරීමට දක්ෂය. අන්‍යයන්ට උදව් කිරීම ඔබේ ජීවිතයේ දක්නට ලැබෙන යහපත් ගතිගුණයකි. ඔබ යම් ගැටළුකාරී අවස්ථාවලදී මැදිහත්කරැවකු වී සාමය සලසන අයකු ද වේ. තම පවුල හා මිතුරන් වෙනුවෙන් උපරිමයෙන් කැපවේ. ඔබ පරිපාලනයට හා ආරක්ෂා කරගැනීමට විශේෂ නැඹුරුවක් දක්වයි. සමහර වියටෙ ඔබ හැගීම්බර, සංවේදී අයෙකි. ආදරය කිරීමේදී හෝ ලැබීමේදී ආදරය ඔබට බොහෝ වටිනා දෙයක් ලෙස සලකයි.


ඔබ උපන්නේ මාසයේ 25වන දින නම්,
තාක්ෂණය, විද්‍යාව හෝ සංකීර්ණ විෂයයන් සම්බන්ධයෙන් රුචිකත්වයක් දක්වන අයෙකි. ඔබ සර්වසුභවාදී, සම්ප්‍රදානුකූලව වැඩ කරන අයකු ලෙස දැක්විය හැක. තාර්තික ලෙස, බුද්ධිමත්ව, වගකීම් සහගතව සිතීම ඔබ සතු විශේෂ ලක්ෂණයකි. ඔබේ වින්දනයන්/හැගීම් ඉතා ගැඹුරු නමුත් ඒ බව පෙන්වීමට ඔබ කැමති නැත. ඔබ ඉතා රහසිගත චරිතයකි. සමහර විට දැඩි මතධාරියකු වේ. ඔබ මිතුරන් අතර සැලකෙන්නේ පරික්ෂාකාරී, වැඩි කතා නොමැති නිහඩ චරිතයක් ලෙසය. නිෂ්පාදන කටයුතු වල දක්ෂ ඔබ පිළිබදව අසාධාරණ විසදුම් ගන්නා කෙනෙකු ලෙස පෙනිය හැක.


26 වන දින උපන් ඔබ,
ව්‍යාපාර ලෝකයේ විශාල දියුණුවක් ඇති අයෙකි. ඔබ ජීවත් වන පරිසරය තුලින් ඔබගේ හැකියාවන් වැඩිදියුණු කර ගැනීමට ඔබ සමත්ය. සංවිධානයථ කලමනාකරනය, පාලනය අතින් ඔබ ඉදිරියෙන් සිටියි. ඔබ මුදල් භාවිතයේදී කාර්යක්ෂම අයෙකි. ඔබගේ අධිෂ්ඨානයන් ඉතා ශක්තිමත්ය. ඔබ සාමාන්‍යයෙන් ඕනෑම දෙයකට පහසුවෙන් හැඩ ගැසෙන සහයෝගයෙන් කටයුතු කල හැකි කෙනෙකි. පුළුල් දැක්මක් ඇත. ඔබගේ සිතුවිලි ප්‍රායෝගික මෙන්ම තාත්වික ඒවාය. ද්‍රව්‍යමය අතින් තෘප්තියක් ලැබීමට ඔබ සමත්ය.


27වන දින උපන් ඔබ,
මානවවාදී,පරාර්ථකාමී අයෙකි. මිනිසුන් සමග සුහදව වැඩ කටයුතු කිරීමේ හැකියාව ඔබට උපතින්ම පිහිටා ඇත. නමුත් ඔබේ විවේකයෙන් බොහෝ කාලයක් කල්පනා කිරීම සදහා වෙන්කරයි. පුළුල් දැක්මක් ඇති ඔබ සාධාරණ, ත්‍යාගශීලී, සහයෝගයෙන් වැඩ කිරීමට කැමති අයෙකි. එම නිසා බොහෝ මිතුරන් ඇති කර ගැනීමට ඔබට හැකිය.


28 වන දින උපන් ඔබ,
ස්වාධීනව හිතන අයෙකි. ඔබ කුඩා කල සිටම නායකත්ව ගති ලක්ෂණ පෙන්වයි. බොහෝ විට ඔබ ගන්නා තීරණ නිවැරදිය. පටන්ගත් සියළු දේ අවසාන කිරීමට ඔබ අසමත්ය. නමුත් ඔබේ සැලසුම් සාර්ථක වේ. සංවේදී අයකු වුවත් ඔබ ඔබගේ හැගීම් යටපත් කරගනී. විවිධ අවස්ථාවලදී නායකත්වයට පත්වීමේ ප්‍රවනතාවක් ඇත.


ඔබ උපන්නේ 29වන දින නම්,
ඔබ පරමදර්ශනවාදියකු ලෙස සැලකේ. නිර්මාණශීලීය. නමුත් ව්‍යාපාර කටයුතු වලට අදක්ෂය. පරීක්ෂාකාරී සංවේදී අයකු වේ. නමුත් විශ්ලේෂී හැකියාව අතින් දුර්වලය. වහා කළබල වන අයෙකි. සමහර විටෙක අකාර්‍යක්ෂම අයෙකු ද වේ.


ඔබ ඉපදුනේ 30 වැනිදා නම්,
ඔබ ඔබේ සතුට වෙනුවෙන් තම අදහස් පාලනය කර ගැනීමට යොමුවේ. නිර්මාණශීලී අයකු වන ඔබ ලේඛණය සදහා විශේෂ දක්ෂතාවක් දක්වයි. නිරවුල් පිරිසිදු අදහස් ඇත. ඔබ සහජ විකටයකු හෝ රංගන ශිල්පියකු වීමට ඉඩ ඇත. ඔබට සාර්ථක ලේඛකයකු හෝ පිටපත් රචකයකු වීමට භාග්‍යය ඇත. ශක්තිමත් අදහස් වලින් යුක්ත ඔබ නිතරම සාධාරණ පැත්ත ගැනීමට යොමුවේ.


ඔබ උපන්නේ මාසයේ 31 වැනිදා ද?
හොද කලමනාකරන හා සංවිධානාත්මක හැකියාවක් ඔබ සතුවේ. ව්‍යාපාර කටයුතු සම්බන්ධයෙන් ඉහල දියුණුවක් ලැබිය හැකිය. දැඩි කැපවීමකින් වැඩ කරන ඔබ ඉවසීමට සමත් අයෙක් නිසා ඒ මගින් දියුණු වීමට අවස්ථාව ඇත. ප්‍රකෘතිමත් අයෙක් ලෙස සැලකුනද සමහර විටෙක දැඩි තීරණ ගන්නා, මුරණ්ඩු අයෙක් ලෙසද සැලකිය හැකිය. සමහර විටෙක සංවේදීය. නමුත් තම හැගීම් පාලනය කිරීමට ඔබ පෙළඹේ. බොහෝ විට ඔබ ගන්නා තීරණ නිවැරදි වන නමුත් සමහර දේ නිසා ඔබේ උනන්දුව හීන කරගැනීමට යොමුවේ. ප්‍රායෝගිකව සිතා යමක් සිදු කරන අයෙකි. සංචාරයට කැමති ඔබ තනිවී ජීවත්වීමට අකමැතිය. ඉක්මනින් විවාහයට යොමුවේ. වගකීම් දැරීමට හැකි අයෙක් වන නිසා දියුණුවට පත් විය හැකිය.


නිර්මාණ අයිතිය - රන්දිල් හීන්කෙන්ද

Monday, December 10, 2012

Posted by Unknown |

ලංකාවට වඩා සුදුසු ප්‍රජාතන්ත්‍රවාදී පාලනයක් ද?
ඒකාධිපති පාලනයක් ද?

ප්‍රජාතන්ත්‍රවාදය හොඳයි ඇමරිකාව වගේ ඉතිහාසයක් සංස්කෘතියක් නැතිව කෘතිමව බිහි උන රටවල ට. 
බොහෝ දෙනෙක් මුලින්ම ආදර්ශයට ගන්නෙ ඇමරිකාවනෙ. ඇමරිකාවෙ එහෙමයි ඇමරිකාවෙ මෙහෙමයි කිය කිය. ඒ උනාට ඇමරිකාව කියන්නෙ ඉතිහාසයක් නැති රටක්. ඒ රටට ගැලපෙන ක්‍රම අපිට ගැලපෙන්නෙ නැහැ කොහෙත්ම. මොකද අපි වසර දහස් ගණනක සිට රාජාණ්ඩු පාලනයක‍ ජීවත් උන මිනිස්සු. අපේ ඇට මස් ලේ නහර වලට ඒක කාවැදිලා තියෙන්නෙ. ඒකයි තවමත් "මහ රජාණනි" කියලා කියනකොට මිනිස්සු තුල භක්තියක් ලෙංගතු කමක් නොදැනුවත්ව ම ඇති වෙන්නෙ. (ඒකෙන් අයුතු ප්‍රයෝජන ගන්නවා විය හැකියි නමුත් සත්‍යය එයයි) 

අපේ රටේ ඇති කරපු කලවම් මැල්ලුම් ප්‍රජාතන්ත්‍රවාදෙ,
එහෙම නැත්තන් මේ හයිබ්‍රිඩ් ආර්ථික ක්‍රමය කොහෙත් ම අපිට ගැලපෙන එකක් නෙමෙයි. මේ ක්‍ර‍මෙන් අපි වැනි රටවල් දියුණු කරන්න බැහැ කියන එකට හොඳම සාක්ෂිය අපිමයි. 

ප්‍රජාතන්ත්‍රවාදී කොළඹ නගර සභාවට අවුරුදු ගාණක් බැරි වෙලා තිබ්බ අපද්‍රව්‍ය කලමනාකරණය කරන වැඩේ මාස කිහිපයකින් (සමහරු කියන විදිහට) මරා ගේ ඒකාධිපති පාලනයෙන් ඉවත් කරනවා. මරා ඒක කරලා පෙන්නනවා. කලක් ජීවත් වීමට නුසුදුසු නගර අතරට එකතු උන කොළඹ නගරය අද හාත්පසින්ම වෙනස් කරලා. ඒක ප්‍රජාතන්ත්‍රවාදී විදිහට කරන්න ගියා නම් මොකද වෙන්නෙ? ඔබම හිතලා බලන්නකො. 

අද අධිකරණයක් අල්ලගෙන. අද විපක්ෂයේ ප්‍රධාන කාර්ය වෙලා තියෙන්නෙ ගැටලු නිර්මාණය කිරීම හා ඒවා තමන්ට වාසි දායක ලෙස භාවිත කිරීම විනා රටට වාසි දායක ලෙස ක්‍රියාත්මක වීම නොවේ. 

අධිකරණ සේවා කොමිසමේ සභාපති කම දරණ අධිකරණයේ ඉහළම තනතුරකට දෝෂාභියෝගයක් ගේනකොට ඒක විමර්ශණය කරන්න අධිකරණයට ම පවරන එක හොරාගෙ අම්මගෙන් පේන අහනවා වගේ වැඩක්නෙ. ඒක හරියට රනිල් වික්‍රමසිංහට එරෙහි දෝෂාභියෝගයක් විමර්ශණයට එතුමා විසින් පත් කරන එතුමා යටතේ ඉන්න කෘත්‍යාධිකාරී මණ්ඩලයට බාර දෙනවා ව‍ගේ. මේකට ද අපක්ෂපාතී කියන්නෙ?

අද මේ රටේ ඇත්තටම සිද්ධ වෙන්නෙ තමුන් තමුන්ගෙ රාජකාරී නොකර අනුන්ගේ මඟුල් සෙවීමයි. 
ව්‍යවස්ථාදායකය, විධායකය, අධිකරණය අද කරන්නෙ රට පාලනය කිරීම පැත්තකින් තියලා එකිනෙකාගේ වැරදි සොයන එකයි. කවුද වඩා උසස් යන්න සොයන එකයි. 

අධිකරණයට ව්‍යවස්ථාදායක‍ය මඟින් ගන්නා තීරණ ප්‍රශ්ණ කිරීමට, එරෙහි වීමට, විමර්ශණය ට අයිතියක් තියෙනවා නම් මොන කෙහෙල් මලකට ද ව්‍යවස්ථාදායකයක් තියෙන්නෙ? නීති හදන ටිකත් අධිකරණයෙන්ම ‍කරගත්තා නම් ඉවරනෙ. 

"අවස්ථාවාදී කුහක මිනිසුන් සිටින රාජ්‍යයක් වේ ද, 
ඊට වඩාත් සුදුසු වන්නේ ඒකාධිපති පාලනයක්ම ය."


Friday, November 2, 2012

Posted by Unknown |
ජීවිතේ ගොඩක් දේවල් අපිට නැති වෙනවා
ඒත් සමහර දේවල් අපිට ඒ තරම් ලේසියෙන් අතාරින්න බෑ
ඒ ව‍ගේම මිනිහෙක්ගෙ ජීවිතේක තියෙනවා යම් යම් දේවල් කිහිපයක්
ඒවා නැති වෙන එක ජීවිතය නැති වෙනවට වඩා අමාරුයි
ඒ වගේ වෙලාවට මුලු ලෝකෙම නැති වෙනව‍ වගෙයි දැනෙන්නෙ
ඒ අපි ඒ දේට අපේ ජීවිතේ දීලා තියෙන තැන නිසයි...


Wednesday, September 12, 2012

Posted by Unknown | File under : ,
"ඉර හඳ පායන ලෝකේ ආලෝකය අතරේ සැප දුක සමබර වේ"

සැප විඳිනකන් අපිට කිසිම ගානක් නැහැ. කොයිතරම් සැප වින්දත් මේ ඇති කියල හිතන්නෙත් නෑ. කොයිතරම් දේ ලැබුණත් සෑහීමකට පත්වෙන්නෙත් නෑ. 

ඒත් දුකක් ආපු වෙලාවට අපි එහෙම ද? දුකක් ආපු ගමන් කියන්න ගන්නවා අ‍නේ මොන කරුම ජීවිතයක් ද මං මේ ගෙවන්නෙ. මීට හොඳයි මැරිලා ගියා නම් කියලා. 

දුක සැප හැමෝටම ජීවිතේ එක එක කාල වලදි අඩු වැඩි විදිහට විඳින්න වෙනවා. සමහරු හිතනවා අනේ අර මිනිස්සුන්ට නම් උතුරන්න සල්ලි ඉතින් මොන දුකක් ද කියලා. හැබැයි එහෙම හිතන අය දන්නෙ නැහැ ඒ අයට සල්ලි තිබෙන නිසාම කොයිතරම් ප්‍රශ්ණ ගොඩකට මුහුණ දෙන්න වෙලා ද කියලා. 

කලු ජාතිකයෙක් වෙච්ච බැරැක් ඔබාමා එදා හිතුව නම් මොන කරුම ජීවිතයක් ද මේ මම මැරෙනවා කියලා අද ඔහු ඉන්න තත්වෙට එහෙමත් නැත්නම් ඔහුව පාගපු සුදු ජාතිකයන්ගේ රටේ ජනාධිපති වරයා වෙන්න ලැබෙන්නෙ නැහැ. 

කවදාවත් හිතන්න එපා ඔබ අද ඉන්න තත්වෙන් හැමදාම ඉන්න වේවි කියලා. නමුත් ඔබ "දේව වරයකින්" නිධානයක් පහළ වෙලා පොහොසත් වෙනකන් වත්, ලොතරැයි දිනුමක් ලැබෙනකන් වත් මුව අයාගෙන හිටියට ඒ දේ ලැබෙන්නෙ නැහැ. ඔබට දෙයක් ලැබෙන්න ඔබ දෙයක් කැප කරන්නම ඕනෙ! ඔබේ කාලය ඔබේ ශ්‍රමය ඔබ කැප කරන්න, පරිත්‍යාග කරන්න හෙට ඔබට ලැබෙන දෙය වෙනුවෙන්. 

වරක් දෙවරක් තෙවරක් සිව් වරත් පස් වරක් වරදීවී... නමුත් ඔබේ වාරය එන තුරු විමසිල්ලෙන් ඉන්න. 
ඔබේ ඉරණම දවසකින් මාසෙකින් වසරකින් වෙනස්කරන්න බැරි වෙන්න පුලුවන්. ජීවිතේ දිනපු මිනිස්සු කවදාවත් වසරෙන් දෙකෙන් පොහොසත් උනේ නැහැ. ඒ අය වසර 10, 15 එක දිගට වෙහෙසිලා තමුන්ගෙ ජීවිතේම ඒ වෙනුවෙන් කැප කරලා ඒ තත්වෙට ආපු මිනිස්සු. ඒ අය වගේ වෙන්න පෙරුම් පිරුවට, බාර හාර වෙලා දෙවියන්ගෙන් ඉල්ලුවට ඒ තත්වෙට එන්න බැහැ. ඒකට ඔබ යමක් කරන්නම ඕනෙ. ඔබ වපුරපු  දෙයින් ඔබට අස්වැන්න ලැබේවි! 

ඔබේ ඉරණම ඔබම තීරණය කරන්න. ඔබේ ජීවිත කතාව ඔබම ලියාගන්න! 


Tuesday, July 24, 2012

Posted by Unknown |
ගෙදරට ගෙනාවා විතරයි
කඩන්න කියල මම කට්ට එලියට ගත්තා
දෙතුන් පාරක් ඇන්නා
යකෝ සීල් එක නෑනෙ
ආයෙ දෙතුන් පාරක් ඇන්න
ශික් මුන් මාව රැවැට්ටුව වත් ද
අම්මත් බලාගෙන ඉන්නවා

ශික් මුදලාලියා පාවිච්චි කරපු
සුපර් ග්ලූ එකක් නෙ දීලා තියෙන්නෙ



Monday, June 11, 2012

Posted by Unknown | File under : ,

අමරනාත් බටගොඩ
පුංචි ගම් පළාතක ඉපදුනු, පුංචි පවුලක දරුවෙක්.
2000 වසරෙන් ඇරඹි ඔහුගේ ගුරු දිවියට අදට වසර 12ක් පමණ වේ.
නව සම්ප්‍රදායකට ආර්ථික විද්‍යාව උගන්නපු ඔහු
කෙටි කාලයක් තුළ සිසුන්ගේ ප්‍රසාදය දිනාගන්නවා
ඒකට ඔහු තුළ තියෙන ලොකුම හැකියාව බලපානවා
ඒ තමයි කොච්චර ගැඹුරු දෙයක් උනත් 
ඉතාම සරලව කියලා දෙන්න පුලුවන් එක
කොටින්ම කිවුවොත් මොලේ උඩ ඉඳගන්න ජාතියෙ එකෙක්ට උනත් 
හොඳට තේරෙන්න කියලා දෙනවා.
පංති ගාස්තුවට සාපේක්ෂව ඔහු ඊට දෙගුණයක් වටින දැනුමක් දරුවට ලබා දෙනවා
ඔහු ඔය මහා ගුරුවරු කියාගන්න සන්නස්ගල වගේ කුණුහරප කතා කියලා 
ළමයි පංති ගෙන්න ගන්නෙ නෑ.
ඔහු කියන්නෙ එනවා නම් එන්න, ඇවිත් ඉගෙනගන්න. බැරි නම් යන්න. 
ළමයි තියාගන්න ඔහු කළ එකම දේ උපරිමයෙන් උගන්නපු එකයි.

අද වන විට ඔහු ඔහු‍ගේ දෙවන විවාහයට පා තබලා තියෙනවා.
ඒක ඔහුගේ තීරණයක් ඒකෙන් අපිට කිසිම වැඩක් නෑ. 
අපිට අදාළ වෙන්නෙ ඔහු කොයිතරම් දෙයක් ළමයින් වෙනුවෙන් කලාද කියන එකයි. 
ඒක මොනවගේ විවාහයක් උනත් අපිට කිසිම වැඩක් නැහැ. 
ඒ ඔහු‍ගේ ‍පුද්ගලික ජීවිතය. 

ඒත් ළඟදි ගොසිප් 9 අඩවිය මහා සොයාගැනීමක් කරලා
ඒ තමයි අමරනාත් බටගොඩ දෙවන විවාහය කරගෙන කියලා

ඔබ දන්නේ ඔහුගේ මතුපිට සිදුවීමක් පමණයි.
ඔහුට සාපේක්ෂව ගොසිප් 9 මේ රටට කරපු දශමයක දෙයක් තියෙනව ද?
"අර කෙල්ලගෙ සුදු ගලයි, මේ නිලිය නිරුවත් වෙච්ච එකයි
අරකිගෙ හොර මිනිහයි" ඔය වගේ තුට්ටු දෙකේ නිවුස් දාලා 
25000, 50000 ඇඩ් වලින් හම්බකරනවා මිසක් රටට කරපු වින මිසක් හොඳක් නම් නෑ.

අද වෙනකොට ලොකුම ට්‍රෙන්ඩ් එක තමයි ගොසිප් සයිට් එකක් දාගන්න එක.
ලංකාවෙ මිනිස්සු ඕපා දූප සේවයට උපන් හපන්නුනෙ.
ඒක පේනවනෙ ගොසිප් අඩවියක්ම ඉහලින්ම වැජඹෙනකොට.

මිනිස්සුන්ගෙ චරිත ඝාතනය කරන්න කලින් දෙපාරක් හිතනවා නම් හොඳයි
එක ඇඟිල්ලක් දික් කරද්දි ඇඟිලි 4 තමුන්ට හැරෙනවා කියලා.






Sunday, June 10, 2012

Posted by Unknown |
මුළු සිරුරම ගිනි දැල් වලින් වසාගෙන හමාරය
ගිනි දළු තව තවත් ගතම දවාගෙන යයි
වේදනාව තවත් වැඩිය
මන්ද යත් මේ ගිනි දළු මාතින්ම දැල්වුණු බැවිනි.
නිසල සිරුර මතින් දැවෙන ගිනි දැල්
ඇතුළාන්තයේ වූ පරිපූර්ණත්වය දවාගෙන යයි.



ඉතිරිව ඇත්තේ හිස් බවක් පමණි....

නිසල සිරුර තුළ දැවෙන සසල සිත,
සියල්ල දැවී යද්දී...
මට ඉතිරිව ඇත්තේ ඔබ පමණක්මය.

ඔබද මුමුණන්නේ එකම දෙයයි...

ඒ ඇයගේම නමයි....

Thursday, June 7, 2012



පරම්පරා දෙකක් ගැටෙනවා,
එදා සංස්කෘතිය සහ අද සංස්කෘතිය ගැන,
එදා ආදරය සහ අද ආදරය ගැන,
එදා සංගීතය සහ අද සංගීතය ගැන,
එදා චිත්‍රපට සහ අද චිත්‍රපට ගැන,
එදා කලාකරුවො සහ අද කලාකරුවො ගැන,
එදා ළමයි සහ අද ළමයි ගැන,

එදා හැමදේම එදා සිටියවුන්ට ගැලපෙන ලෙස,
එදා සිටියවුන්ගේ සිතුම් පැතුම් වලට සරිලන පරිදි,
එදා සිටියවුන්ට හැකි පමණින්,
එදා සිටියවුන්ගේ මන දොල සපුරන ලෙස,
එදා සිටියවුන් විසින්ම නිර්මාණය කරගන්නා ලදි.

එද හැමදේම අද ඉන්නාවුන්ට ගැලෙපෙන ලෙස,
අද සිටිනවුන්ගේ සිතුම්පැතුම් වලට සරිලන පරිදි,
අද සිටිනවුන්ට හැකි පමණින්,
අද සිටිනවුන්ගේ මනදොල සපුරන ලෙස,
අද සිටිනවුන් විසින්ම නිර්මාණය කරගනු ලබයි.

කලා නිර්මාණයක් ඔබ‍ගේ යුගයේ පාට කණ්නාඩියෙන් බලා
විවේචනය කිරීම කොතරම් උචිත දැයි ඔබම සිතා බලන්න
එකකුට හෝ රස විඳිය හැකි නම් එය කලා නිර්මාණයකි.
ඒ රස විඳින්නා විවේචනය කිරීමට හෝ
නිර්මාණ කරුවා විවේචනයට ඔබට ඇති අයිතිය කුමක්ද?

ඔබ එදා කණ්නාඩි පළඳින්නෙක් නම් එදා දේ රසවිඳ පසෙකට වී සිටින්න
අද තරුණයෙක් යම් දෙයක් රස විඳී නම් එයට බාධා කිරීමට හෝ
නිර්මාණ විවේචනයට ඔබට අදාළ නොවන වගද මතක තබාගන්න
වර්තමානයේ තරුණයෙක් නම් ඔබ කැමති දේ රසවිඳ
අතීතය විවේචනය කිරීමෙන් ද වලකින්න.

කලා නිර්මාණ කියන්නෙ අද වෙළඳ සැලක භාණ්ඩ වගේ
ඔබට කැමති සන්නාමයෙන් මිළදී ගන්න පුළුවන්.
ඔබට අවශ්‍ය දේ ඔබ අරගන්න
අනිත් නිශ්පාද්‍කයන්ට වත් පාරිභෝගිකයන්ට වත්
ඔවුන්ගේ රසවිඳීමේ මට්ටම ගැන හොයනන් අවශ්‍ය නැහැ.

නිර්මාණ විවේචනය කරමින් කවුරුහරි පොරක් වෙන්න හදනවා නම්
කියන්නෙ එකයි

"ඔබත් තනියම නිර්මාණයක් කරන්න"

Saturday, June 2, 2012

Posted by Unknown | File under :
දැන් ඉතින් උසස් පෙළ උණූසුම වැඩි වේගෙන එන කාලෙන.
ඔන්න තියෙනවා විභාග කාල සටහන.
විභාගෙ පටන් ගන්නෙ අගෝස්තු 06 වෙනිදා.
අගෝස්තු 30 වෙනිදා තමයි ඉවර වෙන්නෙ.
(A/L Exam time table - New Syllabus)




Thursday, May 31, 2012

Posted by Unknown | File under : ,
මේ කියන්න හදන්නෙ ඔබට බොහෝවිට අත් විඳීමට සිදුව ඇති එහෙත් එයින් ඔබේ ජීවිතය බිඳ වැටීමක් සිදු වූවා විනා එයින් ප්‍රයෝජනයක් ලබා ගැනීමට හැකි නොවූ සිදුවීමක් ගැනයි.


''මට හැම දේම නැති උනා මචන්, මට දැන් ඉඳලා වැඩක් නෑ
මං මොකටද බන් දැන් ජීවත් වෙන්නෙ"
ඉහතින් තියෙන්නෙ ඔබට අනිවාර්යයෙන්ම හොඳට හුරුපුරුදු වචන කිහිපයක්. ඔබ හිතාගෙන හිටපු ගොඩක් දේවල් ඒ හිතපු විදිහට නොවීම නිසා බොහෝ දෙනෙක්ගෙ මුවින් පිටවෙන්නේ ඔය වචන ටික තමයි.

මේ කියන දේ බොහෝ විට ඔබේ ජීවිතයට වගේම ඔබේ යාලුවෙකුගේ ජීවිතයක් ගොඩ දාන්නත් උපකාරි වෙයි.

අපි හිතමු දැන් මට කෙල්ල මට බූට් එක තියනවා
මගේ ගෙදරින් මාව එළවනවා
මම විභාගෙ අසමත් වෙනවා

ඔය හැම දේකින්ම කියවෙන්නෙ මට යම් යම් දේවල් නැති වෙලා.
ඔබ දුක් වෙනවා කියන්නෙ නැති උන දේ ගැන ඔබ තවමත් සිතනවා.
ඔබ සිතනවා කියන්නෙ නැති උන දේ නැවත නැවත සිතින් නැති කරගනිමින් දුක් වෙනවා.

ඔය හැමදේම අතරෙ අපිට සතුටු වෙන්න පුලුවන් කියලා කිවුවොත් ඔබ පුදුම වෙයි.

සැබැවින්ම ඔබ තුළ අති විශාල ශක්තියක් පිහිටනවා
ඒ ශක්තිය අති මහත් ශක්තියක්.
ඒ ශක්තිය වචනෙකින් කිවුවොත් "ස්වාධීන" බව කියන ශක්තියයි.
හරියටම අර නිවුටන්ගේ නියම වල කියවෙන භාහිර බල නැතිව නිශ්චලව පවතින වස්තුවක් වගේ.

නමුත් ඒ ශක්තිය ඔබ ටිකෙන් ටික ඔබ සමහර අය අතරේ බෙදනවා
ඔබ තුළ තියෙන ශක්තිය වටේ ඉන්න අයට දෙනවා.
පහත රූපයෙන් වඩාත් පැහැදිලි වේවි


දැන් ඔබට පේනවා නේද? ඔබ තුළ ඇති ශක්තිය දැන් සැබැවින්ම තියෙන්නෙ වෙනත් දේවල් මතයි. ඒ කියන්නෙ ඔබ ඔබේ ශක්තිය එක එක්කේනාට දීලා.ඒ ශක්තිය ලබාගත්තු අය ඔබෙන් ඈත් උනොත් ඔබ විශාල වශයෙන් කඩාගෙන වැටෙනවා.

දැන් ඔබම නේද වැඩේ වරද්ද ගත්තෙ?
ඔබේ ශක්තිය ඔබ වටේ ඉන්න අයට බෙදලා. ඊට පස්සෙ ඔබම දුක් වෙනවා.
ඒ කියන්නෙ ඔබ ඔබේ සල්ලි වෙන කෙනෙක් ළඟ තැන්පත් කරලා ඔබ ඒකට පොලියක් අරගන්නවා වගේ වැඩක්. බැංකුව වහලා දැ‍ම්මොත් ඔ‍බේ මුදල් ලැබීම හීන වෙනවා වගේම තැන්ලත් මුදලත් නැති වෙනවා ඉතින් ඔබේ අවසානය එයයි. 

හරි අපි දැන් ආයෙත් මුලට එමු
මට දැන් දෙයක් නැති වෙලා ඉන්නෙ. ඔබට පේනවා ඇතිනෙ මොන මොනවගේ දේවල් වලටද මගෙ ශක්තිය දීලා තියෙන්නෙ කියලා. (මෙහි ඔබ කියන දේට ඔබේ ඇතුළාන්ත ආධ්‍යාත්මය මිසක් රූපය අයත් වෙන්නෙ නෑ) හරි අපි හිතමු අපිට මුලින්‍ කොම්පියුටරේ කැඩෙනවා. ඔන්න ඉතින් මුණු පොතත් නෑ අන්තර්ජාලෙත් නෑ සිංදු අහන්නත් නෑ ගේම් ගහන්නත් නෑ දුකේ බෑ නේද?

ඔබ කොම්පියුටරේට ඔබේ ශක්තියෙන් දීලා තිබුණ කොටසත් අරන් එයා මාරු වෙලා.
දැන් වෙන එකක් ගේනකන් ඉවසිල්ලක් නෑ. 

මම මෙහෙම හිතනවා 
හරි මට නැති උනේ කොම්පියුටරේනෙ, මට අනිත් හැමදේම තියෙනවනෙ
කොටින්ම මට මගේ කෙල්ල ඉන්නවනෙ. ඒ ඇතිනෙ. එහෙම නැත්ත්න අම්මා ඉන්නවනෙ. 

ඔය විදිහට ඔබ වටා තියෙන දේවල් වලට ඔබේ හිතේ තියෙන ආශාව එහෙමත් නැත්නම් බැඳීම කුඩු කරලා විනාස කරලා දාන්න.

මට කොම්පියුටරේ තිබ්බා නම් හොඳයි. ගේම් එකක් ගහන්න පුලුවන්.
නැත්තන් ඒත් හොඳයි. මට වෙලාව ඉතුරු වෙනවානෙ පාඩම් කරන්න.

බලන්න කොච්චර සරලද.

මට කෙල්ල ඉන්නවා නම් හොඳයි. මගේ හැමදේටම හොඳ සහකරුවෙක් වෙයි.
නැත්නම් ඊටත් හොඳයි. දවසක මේ බැඳීම නැති වෙනවා. එදාට මට දුක්වෙන්න වෙනවා. කෙල්ල නැත්නම් ඉතින් දැන් මට දුක් වෙන්න හේතුවකුත් නැති උනා.

ඔබෙන් ගිලිහෙන බැඳීමක් බැඳීමක් ගානෙ ඒ දෙයට දීලා තිබුණ ශක්තිය වහාම ඔබ තුළට ගන්න. ඒක අපතේ යන්න දීලා ඔබ මානසිකව ඇද වැටෙන්න එපා. එවිට නැතිවෙන හැම දේකින්ම ඔබට ශක්තියක් ලැබේවී. ඔබේ ජීවිතේ නැති වෙන හැම වෙලාවකම ඔබ දස ගුණයක් ශක්තිමත් වේවි.

අවසාන වශයෙන් අර සංකල්පය හොඳට හිතන්න
සැබැවින්ම ඔබට තනිව ඉන්න පුලුවන්ද?
බැහැ නේද? දහසකුත් එකක් දේවලට ඔබේ ශක්තිය පූජ කරලා.
ඔබ නිකන් අසරණ වෙනවා.
ඔබ දුක් වෙන්නෙ ඔබ නිසා නම් කමක් නෑ
නමුත් ඔබ සෑම විටම දුක් වෙන්නෙ ඔබට නැති උන භාහිර දෙයක් නිසයි.

Wednesday, May 30, 2012

Posted by Unknown | File under : ,


"රුසියාවට වඩා ලොකුයි ඉරිසියාව"
"අමාරුවෙන් ගත්තෙ වද්දන්න එපා"
"සුදු මුහුණයි හුරතලයයි හරි අවදානම්"
"මේ වෑයම රජ වෙන්නට නොවේ"
"හුරතලේට දඟ කලාට එපා රවන්න"
"පිඹගෙන එන්නේ ඉඹගෙන යන්නද?"
"අතේ තිබ්බ සල්ලිත් නෑ ළඟින් හිටිය කෙල්ලත් නෑ"
"රත්තරන් අම්මා"

ඔය මම උඩින් කිවුවෙ අද වෙනකොට ත්‍රී රෝද රථ වල ගහලා තියෙන "නව රුවන් වැකි" ගණයට අයත් වෙන වාක්‍ය කිහිපයක්. මේක දැක්කම හිතෙනවා ලංකාවේ දාර්ශනිකයො ගොඩක් කරන්නෙ ත්‍රී වීල් එලවන එක එහෙම නැත්තන් ත්‍රී වීල් එලවනකොට දාර්ශණිකයෙක් වෙනවා කියන එක.

හරි අපි ඒ කතාව පැත්තකින් තියමුකො. අපි පාරේ වාහන වල ගහලා තියෙන වාක්‍ය කියෙව්වොත් ගොඩක් වාක්‍ය ඍණාත්මක අදහසක් තමයි කියවෙන්නෙ. "නෑ, බෑ'' වගේ ඒවා තමයි වැඩි පුර කියන්නෙ. ඒක දකින ඔබට හැම වෙලේම ඇති වෙන්නෙ ඍණාත්මක අදහසක්.

ඔබ දන්නවනෙ ගෙදර දොරේ "බුදු සරණයි" කියලා ගහන්නෙ ඒක දකින වාරයක් වාරයක් පාසා අපි තුළ ඇති වෙනවා අපිට බුදු සරණ තියෙනවා කියන ධනාත්මක හැඟීම. නමුත් අර කිවුවා වගේ ඍණාත්මක වදන් ඔබ නිතර දකිනවා කියන්නෙ ඔබ ඔබේ වාහනයේම ඔබට වස් කවියක් ලියා ගැනීමක්.

අනිත් දේ තමයි ත්‍රී වීල් වල වගේම බස් වලත් සිංදු දානවා....

ඒ සිංදු ඔක්කොම එක වගේ මට නම් ඇහෙන්නෙ එකම දෙයයි
"බිස්කට් කුඩු - බිස්කට් කුඩු - බිස්කට් කුඩු - බිස්කටු කුඩු"

ඇත්තටම දාන්නෙ බස් ඩ්‍රයිවර්ට ඕන එයා කැමති සිංදුව. එතකොට බස් එකේ යන උන් ඒක අහන්න ඕනෙ. ඒකත් මෙලෝ රහක් නැති තුට්ටු දෙකේ ටකරං සංගීතයක් තමයි බස් වල දාන්නෙම. ත්‍රී වීල් වලත් ට්‍රෙන්ඩ් එක තමයි වටේටම කෑලි ගහලා රෑට දැක්කම තොට ළඟ තොරණ වගේ. දාගන්නවා සංගීත සංදර්ශනයක් නැත්තන් බයිලා කැසට් එකක් සීඩී එකක්. ඉතින් ඕක කොයි වෙලෙත් කන පැලෙන්න දාගෙන ඉන්නෙ. ජංගම සංගීත සංදර්ශණ. ත්‍රී රෝද රථ රියදුරන් අතරේ ඔබ පොරක් වෙන්න පුලුවන් එහෙම කළාම. හැබැයි බහුතර ජනතාව ඉදිරියේ ඔබ "පුහු මෝඩයෙක්" . ඔය ලයිට් කෑලි එල්ලන එකේ තව ත්‍රී වීල් එකක් අරගන්න ප්ලෑන් කරා නම් ඒක අරන් හයර් යන්න තව එකෙක්ට දුන්න නම් සල්ලි නේද?

Tuesday, May 29, 2012



මාදුලුවාවේ සෝභිත හිමියනි,
ඔබ වහන්සේ මහා නායකයෙකි.
ඔබ වහන්සේ රටේ වීරයෙකි.
ඔබ වහන්සේ ජන නායකයෙකි.
නමුත් ඔබ වහන්සේ බුද්ධ ශ්‍රාවක සංඝ රත්නයට අයිති නොවේ.
ඔබ වහන්සේගේ විලි වසාගන්න,
බුදුන් දේශනා කල ධර්මය අමු අමුවේ අද මරා දමනවා.

“මහණෙනි ,බොහෝ දෙනාගේ දියුණුව පිණිස ,යහපත පිණිස ගම්නියම් ගම් සැරිසරන්න.
දෙනමක් එක මඟ නොවඩින්න. මුල , මැද , අගයහපත් වූ ධර්මය දේශනා කරන්න”.
- බුද්ධ වචනය

සෝභිත හිමියන් මේක අද දෙරණ අරුණෙන් අහන ප්‍රශ්නෙකින් ගැලවෙන්න හරි අපූරුවට පාවිච්චි කරනවා. දෙරණ නිවේදකයා අහනවා ඔබ වහන්සේ ඇත්තටම භික්ෂුවගේ කාර්ය භාරය ඉටු කරනවද කියලා. එ‍තකොට උන්වහන්සේ කියනවා 

“මහණෙනි ,බොහෝ දෙනාගේ දියුණුව පිණිස ,යහපත පිණිස හැසි‍රෙන්න" මේක තමයි බුද්ධ වචනය මම ඒකයි මේ කරන්නෙ කියලා. එතකොට ඉතුරු ටික කෝ? ඒ ටික හැලුනෙ කොහොමද?
ඔබත් ධර්මය අධ්‍යනය නොකොට ඔබ ආධ්‍යාත්මික සුවයක් හොයන්න උත්සහා නොකොට බල කාමය පසුපස යන මිනිස්සුන්ට කත් අදින ඔබ වහන්සේ කොහොම ද ධර්මය දේශනා කරන්නෙ.

ඔබ වහන්සේට අදට වසර 70ක්
කෝ ඔබ වහන්සේ  ලැබූ ආධ්‍යාත්මීය දියුණුව?
කෝ බුදුන් කියු මඟ ඔබ ගියාද?
කෝ බුදුන් දේශනා කල මාර්ග ඵල ගැන ඔබ සොයාගත්තාද?
අඩුම තරමින් උත්සාහා කරනවද?

බුදුන් කොහෙදිද දේශනා කලේ භික්ෂූ දේශපාලනයක් ගැන?
හොඳම උදාහරණය බුදුන් වහන්සේ. එහෙනම් උන්වහන්සේට තිබුණනෙ ලැබෙන්න නියමිත සක්විති රජ කමත් අරගෙන ධාර්මිකව රට මෙහෙයවන්න. නැහැ බුදුන් දැක්ක ඒක නෙමෙයි සත්‍ය. ඒක නෙමෙයි නියම සුවය කියලා. ඒත් මේ සෝභිත හිමියන් දුවන්නේ මිත්‍යාවක් පසුපස නේද?

දැන් කවුද බුද්ධ වචනය අමු අමුවේ කෙලසලා දා‍න්නෙ?

සෝභිත හිමියනි ඔබ ජන නායකයෙ‍ක් වෙන්න භාවිත කරන්නේ කල්ප ගණනක් බුදුන් පෙරුම් පුරලා සොයා ගත්තු සත්‍ය බෙදාහරින්න සිටින උත්තරීතර සංඝ රත්නයේ චීවරයයි. ඔය පාපය අත්හරින්න. සිවුර පසෙක දාලා ඔබ දේශපාලනය කරන්න අපේ කිසිම තරහක් නෑ. හැබැයි ඔය උත්තරීතර සිවුර බලා කාමයෙන් පෙළන්නන්ට කත් අදින්න පාවිච්චි කරන්න එපා!

තීරණය ඔබටම භාරයි.... 

Saturday, May 26, 2012

Posted by Unknown | File under : ,
ඔබ ප්‍රේම කරලා තියෙනව ද?
අනිවාර්යයෙන්ම ඔබ "ඔව්" කියයි.

ඔබේ ආදරේ නැති වෙලා තියෙනව ද?
99% ක් දෙනෙක් "ඔව්" කියයි.



ඔබ තාමත් ඒකෙන් විඳවනව ද?
5% "ඔව්" කියයි.

අද ආදරේ නැති උනා නම් තවත් වසරක් යනකොට ඔබේ හිත වෙන කවුරුමහරි හොරකන් කරනවාමයි ඔබටත් හොරෙන්. එවිට ඔබ හිතන්නෙ " කලින් කෙනා නෙමෙයි මෙයා තමයි මට ගැලපෙනම කෙනා" කියලා.

ආදරේ දාල යන්නෙ නෑ කවදාවත්.
මොකද ආදරයක් නම් දාලා යන්න කිසිම හේතුවක් නෑ.
මොකද ආදරේ කලා නම් කිසිම හේතුවක් දාලා යන්න තරම් ප්‍රභල වෙන්නෙ නෑ.

මම කියන්නෙ මේ දිගු දෑස වගේ සුරංගනා කතා ගැන නෙමෙයි හැබෑ ලෝකෙ ජීවත් වෙන හැබෑ මිනිස්සු ගැන. ඔබ බොහෝ දෙනෙක්ට දෙදෙ‍නෙක් තිදෙනෙක් ආශ්‍රය කරලා තමයි හරි කෙනා හම්බෙන්නෙ. සමහරවිට ඔබ බඳින්න තීරණය කරන කෙනා උනත් වැරදි කෙනෙක් වෙන්න පුලුවන්.

ඔබව දාලා යන පෙම්වතියට හෝ පෙම්වතාට ඔබේ දුක කියලා
හැර යන ආදරේ ලබා ගන්න උත්සහ කරනවා නම්?
සිංදුවක් කියලා ඇයට හෝ ඔහුට ඒ බව තේරුම් කරන්න උත්සහ කරනවා නම්?
ඔබ කොයිතරම් මෝඩද.

ආදරය කලේ ඔබට පමණක් නම් කිසිම දාක ඔබ ජීවත්ව සිටියදී හැරයන්නෙ නෑනෙ.
ඉතින් ගියා කියන්නෙ ඔබට (පමණක්) නෙමෙයි ඔබ සතු යම් ‍දේකටයි ආදරේ කරලා තියෙන්නෙ.

දුමාල් වර්ණකුලසූරිය ළඟදි සිංදුවක් කියනවා
"හමු වුන හැම දේටම වඩා හමු උනේ ඔබමය,
නැති උන හැම දේකටම වඩා නැති උනේ ඔබමය"
අතිශය දීර්ඝ සිංදුවක්... ඒක කියන්නෙ හැර යන ආදරේට තමන්ගෙ දුක කියන්නලු
අතිශය දුක්ඛිතයි. හඬා වැලපෙනවා.
හරි කෙල්ල ගියා කියමු ඒ කෙල්ල ගියේ එක පාරයි.
ඒත් මේ මනුස්සයා දවසට 10 පාරක් ඒ වේදනාව මෙනෙහි කරනවා.
බලන්න කොයිතරම් මෝඩද කියලා.
ඒ මදිවට ඒක රූපවාහිනියෙත් ඇවිත් කියනවා.

ඒත් කියන්න තිබුණෙ එකම දෙයයි
ඒ ශිහාන් කියන දේ
ඔබ ගියා නම් යන්න... ඔබ ගියා කියලා මට බලපෑමක් වෙන්නෙ නෑ
ඔබ ගියොත් මගේ තවත් එක් දුක් වෙන්නට  තිබුණු දෙයක් නැති උන නිසා සතුටු වෙනවා.
ඔබ අද අමාරුවෙක් රඳවගත්තත් හෙට තවත් හේතුවක දි ඔබ යනවා.

" අද තනියෙන් මා - හඬන්නෙ නෑ මා
මා දමා ඈ ගියා.. කියා.... මා දමා...
සිත දුක් දෙන්නෑ. අද මට තනි නෑ
ඔබ නෑ කියා...."

Friday, May 25, 2012

Posted by Unknown | File under : ,
ඔබ අනිවාර්යයෙන්ම මේ ගැටලුවට මුහුණ පාලා ඇති.
හදිස්සි අවස්ථාවක හැමෝම එකම සයිට් එකකට ට්‍රයි කරනකොට,
(ලංකාවෙ නම් වෙනවා ටිකක් අඩුයි)
සර්වර් එක මදි උනාම බොහෝ විට සයිට් එක ඩවුන් වෙනවා,
ඒ වෙලාවට ඉතින් රටේ නැති ඒවා මතක් වෙනවා,
(වෙබ් මාසටර්ගෙ පවුලත් එක්කම)

ඉතින් ඕක තරහගන්න දෙයක් නෙමෙයි
කරන්න තියෙන්නෙ පුංචි දෙයක්,


මේ තමයි ඒක... 
වෙබ් ලිපිනය - www.coralcdn.org

මෙන්න මෙතනට අවශ්‍ය‍ වෙබ් ලිපිනය ඇතුල් කරලා
GO කරන්න විතරයි තියෙන්නෙ.



ඊට පස්සෙ ඉතින් කිරි ගහට මෝල් ගහෙන් ගැහුවා වගේ බඩු වැඩ.



හැබැයි එක එන්නෙ මෙන්න මේ වගේ. 






Thursday, May 24, 2012

Posted by Unknown | File under : ,
සුනාමි කිවුවම දැන් නම් ඒ තරම් උණුසුමක් නැති උනාට 
මේ කියන්න යන දේ නම් කවද හරි දවසක වැදගත් වෙයි
ඒ වගේම කවද හරි දවසක ඔබට අහිමි විය හැකි ගොඩක් දේවල් රැක ගන්න අවශ්‍ය වෙයි

මේ කියන්නෙ සුනාමි පෙර අනතුරු ඇඟවීම් පද්ධතියක් ගැන
මේක සංවිධානයක් 



නම - CWARN 
වෙබ් අඩවිය - www.cwarn.org

මුලින්ම තියෙන්නෙ මේකෙ ලියාපදිංචි වෙන්න



මෙන්න මේක පුරවන්න විතරයි තියෙන්නෙ.

ඒ තරම් අමාරු දෙයක් නෙමෙයි නමුත්
ලංකාවේ මේ පද්ධතියට සහය දක්වන්නෙ ඩයලොග් මොබිටෙල් හා එටිසලාට් විතරයි

ඔබට ඔබ සිටින ප්‍රදේශයේ භූමි කම්පාවක් හෝ සුනාමි අවධානමක් ඇත්නම් එසැනින් ඔබගේ ජංගම දුරකථනයට කෙටි පණිඩිඩයන් එනවා.

මෙන්න මේ ව‍‍ගේ

WARNING - A earthquake of magnitude 8.7 has occurred in your area. There is the possibility of a widespread tsunami effecting your area - Cwarn.org                            

Wednesday, May 23, 2012

ඕ ලෙවල් ඉවර වෙලා නිකාන් ගෙදර ඉන්න එකනෙ
කරන්නෙ ඉතින් කනවා ටීවි බලනවා නිදාගන්නවා මූණු පොතේ ඉන්නවා
මාරුවෙන් මාරුවට ඔය චක්කරේ තමයි
මූණු පොතේ චැටක් දාන්න මට හිටපු සෙට් එකේ ගොඩක් අය අක්කලා නැත්තන් නංගිලා
එක්කෙනෙක් පිස්සුම කේස් එකක්
ඒ අතරෙ මගෙ වයසෙ කෙල්ලෙකුත් හිටියා
(ඉන්නවා නම පස්සෙ කියන්නම්)

ඔහොම ඉතින් චැට දාගෙනමයි ඉන්නෙ
මම සාමාන්‍යයෙන් උදේ ගැගිටින්නෙම කොම්පියුටරෙයි රවුටරෙයි ඔන් කරගෙනමයි
(ඔව් ඔව් දත් මදින්නත් කලින් තමයි)
පංති යන්නත් පටන් අරන් තිබුනෙ නැති නිසා
කන්නෙ බොන්නෙ ඔක්කොම කොම්පියුටරේ ඉස්සරහ ඉඳන් තමයි.
රෑටත් ගෙදර කස්ටිය නිදාගෙන
නිදාගන්නෙ නැද්ද කියලා හැට පාරක් අහනකන්ම ඒ පුටුව උඩමයි
(බලන්න කොච්චර හැදිච්ච ළමයෙක්ද නේ?)

කරන්නෙම චැට තමා
නිතර නිතර සෙට් උන නිසා අර උඩදි කියපු කෙල්ල මට හොඳට සෙට් වෙලා හිටියෙ
ඒ උනාට පොටෝ කෑල්ලක් වත් දැකලා නම් තිබුණෙ නෑ.
හැබැයි විස්තර ටික නම් දැනගෙන හිටියා අග ඉඳලා මුලට කට පාඩමින්.

ඔය අතරෙම කොහොමහරි
මගෙ තව පුරුද්දක් තමයි කොටන එක
(පිටි නෙමෙයි බොල එස් එම් එස්)
මනමාල කමටත් නෙමෙයි ෆන් එකට තමා
ලෝකෙ නැති වල්පල් කොටන්නෙ 


අර උඩින් කියපු කෙල්ලගෙ නම්බර් ‍‍පෝන් බුක් එකට ආවය කියමුකො
(කොහොමද අහන්නෙපො බිම වැටිලා නම්බර් හම්බෙන්නෙ නෑනෙ 
මාර ගේමක් දීලා  නම්බර් එක ඉල්ලගත්තෙ)




වෙලාව කියන්නෙ අපි දෙන්නම් මොබිටෙල්
ඒ කිවුවෙ "වී කෙයාර් ඕල් වේස්"
ඉතින් ඒකත් ජයසිරි මංගලම් කියලා
කාලයක් කොට කොට හිටියා.....


ඔය අතරෙ තමයි "රුවන් මාලිගා" කතාව සිරසෙ පටන්ගත්තෙ
අපි ඉතින් අනිවා කතාව බලන ගමන් මූණු පොතේ චැටට සෙට් වෙනවා






දෙන්නම කතාව බලන ගමන් විස්තර විචාරත් දෙනවා
ඒවත් මේ නිකන් ඒවා නෙමෙයි පවුල් ජීවිතෙ ගැන ගැඹූරු කාරණා තමයි සාකච්චා වෙන්නෙ
(හරි හරි ‍බොල එහෙම තමයි පොඩි උනාට අපි අනාගතේ ගැන හිතනවා)


අපි දෙන්නා ඉතින් කතාව බලන ගමන් ෆන් එකට වගේ මම පහන් උනා එයා පොඩ්ඩි උනා

ඕකෙ ඔය ඉන්නෙ පහන් ඔඩ්ඩියා ඔන්න ඕකා දවසක් පොඩ්ඩි නගාට ආදරෙයි කියනවා


මගෙත් කට හොඳ නෑනෙ මාත් කිවුවා
"මං ඔයාට ආදරෙයි පොඩ්ඩියේ...."
කියලා
එයා කිවුවා
" හා හා ඒවා පස්සෙ බලමු" කියලා

දෙයියෝ සාක්කි!
මම දාපු මුට්ටියටම දෑත බදලා ගැහුවා නේද.

ඒත් මට ඊට පස්සෙ නම් මගේ ලොවට ඔබ සුළඟ වගේ එනවා කියලා තේරුණා.
ටික දවසක් යනකන් කෑමක් කන්න හිතෙන්නෙ නෑ
නින්ද යන්නෙ නෑ. මහා පාලුවක් දැනෙනවා. මොකද්ද මොකද්ද එකක්
හිතුවෙවත් නැති දවසක හිතන්නැතුවම හම්බෙච්ච මේ පොඩ්ඩි මගෙ ලෝකෙ හොල්ලලා
රිච්ට පරිමාණ 9 විතර භූමි කම්පාවක් වගේ

දවසක් මහ රෑ 12ත් පහු වෙලා

අපි ආයෙත් අපි ගැන කතා කරන්න ගත්තා
කෙලින්ම සබ්ජෙක්ට් එකට නාවට වටෙන් වටෙන් දෙන්නම කැරකුනේ පොල් පැලේ කන්න තමා.
කොහොමහරි දෙන්නම් එක පාරට සබ්ජෙක්ට් එකට ආවා.

හැබැයි ලැබුණෙ දුක හිතෙන උත්තරයක්
"මට ටිකක් කල්පනා කරන්න ඕනෙ. මම පස්සෙ කියන්නම්"

මට මාර දුකයි මං හිතුවෙ පැනලා කැමැත්ත දෙයි කියලා

කොහොමහරි මට නින්ද ගියා.....

උදේ නැගිටිද්දි...

යූ හෑව් අ ටෙක්ස්ට් මැසේජ්

"මං ඔයා කියපු දේ ගැන හිතුවා. මාත් කැමතියි ඒකට"
මගේ ඔලුවට 2කේ 4 පොල්ලකින් තඩි බෑවා වගේ.

එදා තමයි මගේ ජීවිතේ යූ ටර්න් එකක් ගහලා අනිත් පැත්ත හරවපු දවස...
ඒ දවස අපිට ලැබුණෙ "රුවන් මාලිගා" නිසා.
අදටත් ඒ සිද්දි අපි එක්ක අපි දෙන්නා වටේ ඒ විදිහටම සිදු උනා කිවුවොත් හරි.
පොඩ්ඩි අඬපු දවස්වල මගෙ පොඩ්ඩිත් අඬපු වාර අනන්තයි.
හිනාවත් සතුටත් එහෙමමයි.

ඉතින් මේ සතියෙන් ඒකත් ඉවරයි.

ඒ උනාට අපෙ ආදර කතාව නම් සදහටම රැ‍‍‍ඳෙන්න කියලා ප්‍රාර්ථනා කරනවා




රටේ මිනිස්සු ගොඩක් ඉන්නවා
රටේ තීරණ ගන්න අමාරුයි
රට නියෝජනය කරන්න කිහිප දෙනෙක් අවශ්‍යයි
ප්‍රසිද්ධ ඡන්දයක් තියනවා
කිහිප දෙනෙක් තොරගන්නවා රට නියෝජනය කරන්න 
ඒ වගේම රටේ ප්‍රශ්ණ විසඳන්න

අද මොකද කරනෙ
‍ඒ බලයෙන් ඔලු විකාර වෙලා
ආපු වැඩේ අමතක වෙලා
නියෝජිතයො අයිතිනාරයො වෙලා
වගකීම් පැත්තක තියලා මැරකමට බැහැලා
පරම්පරා ගානකට මුදල් පොදි ගහනවා
පාතාලයට වැට බැඳලා
ඒත් රාජ්‍ය තුලින් පාතාලය නැවත ගොඩනැගිලා
නිලය බලය අනවශ්‍ය දේට යොදාගෙන

නියෝජිතයො කෑලි කෑලි වලට බෙදිලා
කඳ බඩ මහත් වෙච්ච එහෙයියො ටිකක් වෙලා
උන් මුන්ට බනිනවා 
මුන් උන්ට බනිනවා
තමන්ගෙ කාඩ් එක හොඳ කරගන්න
ළකුණු දාගන්න නම් ඕන දෙයක් කරනවා

දැන් එකතු වෙන්න වෙලාව
ඔබේ අත්දැකීම් රටට අත්‍යාවශ්‍යයි
ඔබේ හැකියාව රටට අවශ්‍යයි
පහර ගහන කුහක දේශපාලනයෙන් 
ආවේගශීලී දේශපාලනයෙන් මිදිලා 
එක අරමුණක් වෙනුවෙන් එකතු වෙන්න ඕනෙ
හෙට රට තවත් රටක බිල්ලක් නොවන්නටත්
හෙට රට අනෙක් රටකින් හිඟාකනරටක් නොවන්නටත් 
රටේ ජනතාව දියුණු කරන්නත් රටේ හර පද්ධතිය රකින්නත්
තමාගේ දියුණුව නොව ර‍ටේ දියුණුව වෙනුවෙන් එකතු වෙමු!
නැත්තන් රට තව තවත් ආපස්සට යනවා මිස ඉදිරියක් නෑ

එකතු වෙන්නම බැරි නම්
ජනතාව තීරණය කළ යුතුයි
නැවත නැවතත්
පරම්පාරා දේශපාලනය පසුපස දුවනවද
නැත්තන් ඔලුව උඩ තියෙන කුණු පැත්තකින් තියලා
රට හදන්න පුලුවන් මිනිස්සු ටිකක් 
නියෝජිතයො අතරට ගේනවද කියලා




මල් පැකේජ් හොයන්න රට වටේම ගිහිල්ලා
අන්තිමට හට්ච් හෙඩ් ඔපීසියටම යන්න උනා
ඔන්න ඉතින් දොර ඇරගෙන ඇතුළට යද්දි රිසෙප්ෂන් එකේ ඉන්නවා අක්කා කෙනෙක්
ලස්සනට හෙඩ් පෝන් එකක් එහෙම ගහලා ඉන්නවා
මම ඉස්සරහින් ගිහින් හිටගත්තා...

"එක්ස්කියුස්මී.... " කිවුවම ඒකි "චුට්ටක් ඉන්න සර්" කියලා ආයෙ කෝල් එකේ
මොකද්දෝ හුටපටයක් ගැන කියෝනවා
ඒ අස්සෙ බිස්කට් එකක් කනවා
මටත් හිටන් ඉඳලා බැරිම තැන ටිකක් එහාට ගියා

යද්දි ටොකන් ඉශු කරන තැනක් තිබුණ නිසා එතන්ට යද්දිම එකෙක් ආව ළඟට මං ඇහුවා
"කපල් පැකේජ් එකක් ගන්න පුලුවන්ද" කියලා
"ආහ් ඔව් සර් ඔතනින් වාඩි වෙලා ඉන්න"

ටෝකන් එ‍කේ වාරෙ එනකන් ඉඳල ගියාම කියපි
 " මෙතනින් නම් කපල් පැකේජ් ඉශූ කරන්නෙ නෑ සර් කියලා"

" ඇයි එහෙනම් ටෝකන් එක දෙන‍කොට කිවුවෙ දෙනවා කියලා"
"ටිකක් ඉන්න සර් ... ආහ් මේ නම්බර් එකට කෝල් එකක් දීලා මෙයාගෙන් ඉල්ලගන්න"
මම යන්න හදද්දි කියපි
" ආහ් ඔය ඉන්නෙ සර් එයා තමයි"

මම ඉතින් ඊට පස්සෙ පොර පස්සෙ ගිහින් කොහොමහරි වැ‍ඩේ නම් කරගත්තා හැබැයි දැනගත්තා හට්ච් ආයතනයක් විදිහට පසුබහින්න හේතුව. ඩයලොග් ආකේඩ් එකකට ගියහම තියෙන ප්‍රතිචාර කොහොමද ඒවා එක්ක හට්ච් කැලේ. බොරුවක් තමයි හැබැයි පාරිබෝගිකයා ගණන් ගන්නෙ නැත්තන් ඉතින් බලාගෙන ඉද්දි ආයතන කඩන් වැටෙන්නෙ. දුක නෑ ලංකාවෙ ආයතනයක් නෙමෙයි නිසා.