Tuesday, September 6, 2011

මැරෙන්නම ඕනෙ නම් මැරියන්
උඹ පොදි ගහගෙන ආපු ආදරේ බලාපොරොත්තු
එක දවසින් කුණු ගොඩට විසි කරලා දාපු
උඹේ ආදරේට බල්ලෙක් වගේ පිටුපාපු
කොන්දක් නැති එකෙක් වෙනුවෙන් නෙමෙයි

උඹට පණටත් වඩා ආදරේ කරන කෙනෙක් වෙනුවෙන්
උඹෙ ආදරේ වටිනාකම දන්න එකෙක් වෙනුවෙන්
උඹේ ආදරේ තේරෙන එකෙක් වෙනුවෙන්
අඩුම තරමෙ උඹෙ මලකඳ බදාගෙන
අඬයි කියලා හිතෙන එකෙක් වෙනුවෙන්

ප්‍රශ්ණයක් ආපු පලියට
උඹේ අම්මා තාත්ත හදලා දීපු මේ ලෝකෙ දාලා
උඹෙ යාලුවො දාලා, උඹෙ නෑදෑයො දාලා
කොන්ද පන නැති එකෙක් වගේ පැනල යන්න ලැජ්ජ නැද්ද?

ගිනි පෙල්ල පස්සෙ යන කණාමැදිරියෙක් වගේ
කාන්තාරේ මැද්දෙ පොකූණු දකින මෝඩ මුවෙක් වගේ
නොලැබෙන මිරිඟු පස්සෙ යන්නෙපා
යන එකාට යන්න දීපන්
අබ මල් රේණුවක ආදරයක් හිතේ තිබ්බ නම්
ඔහොම කවදාවත් උඹව දාලා යන්න බෑ
උඹ මැරුණම උඹව දාලා ගියපු එකා ලැබෙන්නෙ නෑ

උඹ ජීවත් වෙලා පෙන්නපන්
කිසිම දේකින් මම වැටුනෙ නෑ කියලා
කවදා හරි දවසක උඹව දාලා ගියපු එකට
පසු තැවෙන්න උඹ හොඳ තැනකට පලයන්

ආදරේ තේරුම් ගන්න බැරි කෙනෙක් වෙනුවෙන්
අමාරුවෙන් ලබාගත්තු මනුස්ස ආත්මයක් විනාස කරගන්න එක
කවදාවත් මනුස්ස ආත්මයක් නොලබන්න තරම් පවක්.



9 comments:

  1. මගේ හිත වෙනස්වුනාද මන්දා

    ReplyDelete
  2. sirama kathawa me blog eke dakapu....

    ReplyDelete
  3. බොහොම ස්තූතියි :)

    ReplyDelete
  4. niyamai saho mage oluwata pollakin gahuwa wage

    ReplyDelete
  5. හිතට වදිනවා

    ReplyDelete
  6. නියමයි මල්ලි. එහෙම තමයි ඉන්න ඕනි.....

    ReplyDelete
  7. maxxaaaa...........

    ReplyDelete
  8. thank u very much saho...!!

    ReplyDelete