Sunday, August 28, 2011

Posted by Unknown | File under : , ,
හොරෙන් ආදරේ කරන්න පුලුවන්ද? බෑ

පැහැදිලි කලොත්? කවදාවත් හොරෙන් ආදරේ කරන්න බෑ

ඇයි ? ඒක ඇස් වලින් , හිනාවෙන්, කතාවෙන් , කරන දෙයින් දැනෙනවා

ආදරේ හන්ගන්නම බැරිද? පුලුවන් ඇත්ත ආදරයක් නෙමෙයි නම්,
ආදරේ කරද්දි අපි ඒ ඇතුලෙ ජීවත් වෙනවා. ඒක වෙනමම ලෝකයක්. අපි කරන්නෙ අපිට ඕන දේ. අපේ ලෝකේ අපි වීරයෝ.ආදරේ වෙනුවෙන් ජීවිතේ පූජ කරන අයත් ඒ වගේ. තම තම තමන්ගෙ ලෝක වල වීරයෙක් වීර වරියක් වෙන්න කවුර්ත් ආසයි.සමහරු ආදරේ අන්ධයි කියන්නෙ ඒකයි. තමුන්ගෙ පෙම්වතා පෙම්වතිය ලඟට ආවම වටේ වෙන්නෙ මොනාද කවුද බලන් ඉන්නෙ අපි මේ කොහෙද ඉන්නෙ කියන ඔක්කොම එක මොහොතකට අමතක වෙනවා. ඒ අපේ මුලු හිතින්ම එන අවධානය අනිත් කෙනාට යොමු වෙන නිසයි. ඇස් දෙක දිහා බලාගෙන ඉන්නකොට මුලු ලෝකෙම අමතක වෙන්නෙ ඒකයි. 

විශේෂයෙන් ගෙවල් වලට නම් ආදරේ හන්ගන එක ගොඩක් අමාරුයි. මොකද අවුරුදු ගානක් උපන් දා ඉඳලම ලඟ ඉන්න අම්මට තාත්තට ඔයාගෙ පුන්චි වෙනසක් මහා ලොකුවට දැනෙනවා. ඒ අය කැමති නෑ තමුන්ගෙ ළමයා දැන් ලොකුයි කියලා හිතන්න. හැමදාමත් ඒ අයට අපි පුන්චි දරුවො. 
ආදරේදි අපි කරන ගොඩක් දේවල් හරි බොලඳයි.ඒත් කවදාවත් අපිට ඒක දැනෙන්නෙ නෑ. ඒක දැනෙන්නෙ වෙන ආදරේ කරන කෙනෙක් ඒ දේ කරනවා දැක්කමයි. ඒ වගේම ඒ බොලඳ කම ඇතුලෙ තමයි ආදරේ විඳින්න ඕනෙ. (බොලඳකම කියන්නෙ මෝඩ කම නෙමෙයි ඒක හරිටයම කිවුවොත් මත්ද්‍රව්‍යක් පාවිච්චි කලා වගේ. අපි ඒ ඇතුලෙ ඉන්නකන් අපිට ඒක පුදුම සතුටක්, වීරකමක්. ඒත් පස්සෙ හිතෙනවා මේ දේවල් කොච්චර බොලඳද කියලා)

"අපි දෙයක් හන්ගන්න හැදුවොත් ඒ දේ වඩා ඉක්මනින් එලියට පේනවා ආදරෙයි කැස්සයි හන්ගන්න බෑනෙ අනික හැන්ගි හැන්ගි වෙස් බැන්දට කවද හරි එළියෙ නටන්න එපැයි"


1 comment:

  1. ආදරේ හන්ගන්නම බැරිද? පුලුවන් ඇත්ත ආදරයක් නෙමෙයි නම්..... eka aththa...

    ReplyDelete